ئاژانسی هەواڵی زاگرۆس

پارێزگارێ دهوکێ وێنەیێ مەسرور بارزانی دگەل گەنجەکێ بلاڤکر و بەحسا چیرۆکا ڤی وێنەی دکەت

 

پارێزگارێ دهۆکێ ل لاپەرێ خۆ یل فەیسووکێ وێنەیێ مەسرور بارزانی سەرۆکێ حکوومەتا هەرێما کوردستانێ دگەل گەنجەکێ کۆ ئاهەنگا دەرچوونا وی گەنجی بوو بڵاڤکر وو نڤیسیە، دوو جار شه‌هید

شه‌هید فاخر ملبركى دوو جاران شه‌هید بوو، جاره‌كێ شه‌هیدێ زیندی بوو و جارا دووێ شه‌هیدێ شه‌هید.

د. عەلی تەتەر پارێزگارێ دهۆکێ گوتژی، ده‌مێ هه‌لگرتنا TNT ل شارێ موسل پێیه‌كێ خۆ ژ ده‌ست دا، لێ یێ ئاماده‌ نه‌بوو ژ خزمه‌تا پێشمه‌رگاتیێ دوور كه‌ڤیت، سالا 2009 هاته‌ خزمه‌تا كاك مه‌سرور بارزانی و داخواز ژێ كر كو هاریكاریا وی بكه‌ت دا ل ئالمانیا پێیه‌كێ باش بۆ خۆ چێكه‌ت به‌س بۆ هندێ دا ژ خزمه‌تا پێشمه‌رگاتێی دوور نه‌كه‌ڤیت.

پارێزگارێ دهوکێ راگەهاند، كاك مه‌سرور هاریكاریا وی كر و هنارته‌ ده‌رڤه‌ و گوتێ هه‌ره‌ بۆ چاره‌سه‌ریێ لێ ئه‌وا لسه‌ر شانێ ته‌، ته‌یا كری و نها ده‌مێ بێهنڤه‌دانا ته‌یه‌. لێ شه‌هید فاخر رازی نه‌بوو و ب كه‌نیڤه‌ گوت هێشتا ده‌ستێن من د دروستن و پێیه‌ك ژی بۆ رێڤه‌ چوونێ ل ده‌ف من مایه‌.

ئەو ژی ئاشکرا کر کۆ پاش هێرشا داعشان غیره‌تا وی قبوول نه‌كر کو ل به‌ره‌یێن شه‌ری دوور بیت، سه‌ره‌رای په‌ككه‌فتیێ و ب ئێك لنگ ده‌وره‌كێ به‌رچاڤ هه‌بوو د دهه‌لگرتنا ته‌قه‌مه‌نیاندا و گیانێ خۆ گوری كورد و كوردستانێ كر.

دبێژیت، هیڤیدارم ئه‌م هه‌موو، غیره‌ت و ماندینه‌ناسیێ ل ڤی شه‌هیدی و سه‌رجه‌م خه‌باتگێر و شه‌هیدێن مینا وی فێر ببین.

پارێزگارێ دهوکێ راگەهاند، ل ۲ی خزیرانا ۲٠۲٤ کۆمەکا کور و کچێن شەهیدان ل زانکۆیا ئەمریکی ل دهۆک خواندانا خۆ ب دووماهی ئینان، ئێکێ ژ وان کورێ شەهید فاخر بوو.

هەواڵی پەیوەندیدار

وه‌زاره‌تی كاره‌با: دۆخی کارەبا ئاسایی بووەتەوە

سەڵاح

مەریوان قەرەنی: سەرۆك كۆماری عێراق واز لە موسەكین بێنە و هەڵوێستە راستەقینەكە بنوێنێنە

دڵشاد

پەرلەمانتارێکی پارتی: بەدواداچوون بۆ دواكەوتنی مووچەی هێزە ئەمنیەکان دەكەین

دڵشاد