ئاژانسی هەواڵی زاگرۆس

توركیا… هەشت کەس به‌ تۆمه‌تی سیخوڕیكردن بۆ ئیسرائیل ده‌ستگیركران

 

له‌ توركیا لە میانی ئۆپەراسیۆنێكدا هەشت گومانلێکراو دەستگیرکراون کە بۆ ده‌زگا ئه‌منییه‌كانی ئه‌و وڵاته‌ دەرکەوتووە زانیارییان بۆ دەزگای هەواڵگریی ئیسرائیل (مۆساد) گواستووەتەوە.

وەزیری ناوخۆی تورکیا، عەلی یەرلیکایا لە ڕاگەیاندراوێکدا کە لە هەژماری خۆی لە تۆڕی کۆمەڵایەتیی بلاویکردەوە، بەڕێوەبەرایەتی هۆبەی بەرەنگاربوونەوەی تیرۆر لە بەڕێوەبەرایەتی ئاسایشی پارێزگای ئیستانبوڵ بە هەماهەنگیی لەگەڵ سەرۆکایەتی بەرەنگاربوونەوەی تیرۆر و هەواڵگریی لە بەڕێوەبەرایەتی گشتیی ئاسایش و سەرۆکایەتی میت و سەرۆکایەتی داواکاری گشتیی کۆماری، هەڵمەتێک بۆ سەر چالاکيیە سیخوڕییەکان ئەنجام دراوە.

یەرلیکایا باسی لەوە کرد کە لە چوارچێوەی ئۆپەراسیۆنی کۆستەبەک٣دا کە کراوەتە سەر ئەو کەسانەی ئەو چالاکيیە سیخوڕیانەیان ئەنجامداوە هەشت کەس دەستگیرکراون، کە زانیارییان لە بارەی کەسایەتیی و کۆمپانیاکانی تورکیا گواستووەتەوە بۆ ئەندامانی دەزگای هەواڵگریی ئیسرائیل (مۆساد).

وەزیری ناوخۆی تورکیا یەرلیکایا باسی لەوە کرد کە دوای لێکۆڵینەوە دوو کەس لە گومانلێکراوەکان فەرمانی دەستبەسەرکردنیان بۆ دەکراوە و شەش کەسەکەی دیکە بە مەرج ئازاد کراون و، ڕایگەیاند: “هەرگیز ڕێگە بە چالاکییە سیخوڕییەکان نادەین کە دەخوازرێت لە سنوورەکانی وڵاتەکەماندا دژ بە یەکێتیی و یەکڕیزیمان ئەنجامبدرێت”.

 

AA

هەواڵی پەیوەندیدار

یەکێتیی ئەورووپا: پێویستە ئیسرائیل هێرش نەکاتە سەر رەفەح

سەڵاح

نوێترین زانیاری لەبارەی دابەشکردنی مووچەی مانگی چوار ئاشکرا دەکرێت

یاسین

هێزە ئەمنییەکانی ئێران ته‌قه‌ له‌ دوو کەسی خەڵکی ڕۆژهەڵاتی کوردستان ده‌كه‌ن

سەڵاح