ئاژانسی هەواڵی زاگرۆس

هێزەکانی ئەمەریکا 18 چەکداری داعشیان کوشت و زیاتر لە 60ـی دیکەشیان دەستگیرکرد

 

فەرماندەیی ناوەندیی ئەمەریکا ڕایگەیاند، لەماوەی مانگی کانوونی دووەم تا مانگی ئادار، 94 ئۆپەراسیۆنیان لە عێراق و سووریا بە هاوبەشی بۆ سەر داعش ئەنجامداوە، کە لە ئەنجامدا 18 ئەندامی ڕێکخراوەکە کوژراون و 63 کەسی دیکەش دەستگیر کراون.

ئەمڕۆ شەممە، 6-4-2024، فەرماندەیی ناوەندی ئەمەریکا لە بەیاننامەیەکدا لەسەر پلاتفۆرمی ئێکس ڕایگەیاندووە، بە هاوبەشی لەگەڵ هێزە ئەمنییەکانی عێراق 66 ئۆپەراسیۆنیان لە عێراق ئەنجامداوە، کە بووەتە هۆی کوژرانی 11 چەکداری ڕێکخراوی داعش و دەستگیرکردنی 36 کەسی دیکە، هاوکات 28 ئۆپەراسیۆنی دیکەیان لە سووریا بە هاوکاری هێزەکانی سووریای دیموکرات (هەسەدە) ئەنجامداوە حەفت چەکدار کوژران، هەروەها 27 کەسی دیکەش دەستگیرکران.

ئاماژەی بەوەشکرد، بەدواداچوون بۆ نزیکەی 2500 ئەندامی هەڵاتووی داعش لە سەرانسەری عێراق و سووریا کراوە.

س/الشرق ألاوسط

هەواڵی پەیوەندیدار

10حزب و لایەنی سیاسیی تورکمانی بەشداری لەهەڵبژاردنی پەرلەمانی کوردستان ناکەن

یاسین

خشته‌ی تاقیكردنه‌وه‌ی نیشتمانی پۆلی نۆی بنه‌ڕه‌تی بڵاوكرایه‌وه‌

سەڵاح

شاندی هه‌رێمی كوردستان به‌شداری له‌ لوتكه‌ی وه‌به‌رهێنانی جیهانی له‌ ئیماڕات ده‌كات

سەڵاح