ئەمڕۆ یەكشەم بڕیارێكی دیكەی سەرۆكی حكوومەتی هەرێمی كوردستان بۆ بەرژەوەندیی هاووڵاتییان كەوتە بواری جێبەجێكردنەوە.
بڕیارەكە ئەمڕۆ یەكشەم بە فەرمی لەلایەن وەزارەتی كار و كاروباری كۆمەڵایەتی كەوتۆتە بواری جێبەجێكردنەوە، دوای ئەوەی بە واژووی مەسرور بارزانی سەرۆكی حكوومەت لە كۆبوونەوەی ئەنجوومەنی وەزیران لە رێكەوتی 27/3/2024 بڕیاری لەسەر درابوو.
بڕیارەكە بریتییە لە:
1- لێخۆشبوونی تەواوەتی و 100%ی سزای دواكەوتنی كەڵەكەبوو لەسەر خاوەنكاران تایبەت بە (بەشداری دەستەبەری كۆمەڵایەتی) بە مەرجێك لە ماوەی 90 رۆژی كار لە رێكەوتی بەركاربوونی ئەم بڕیارەوە تەواوی 100%ی بڕی پارەی بەشداری دەستەبەری كۆمەڵایەتییەكە بدەن.
2- سەرجەم وەزارەت و لایەنە پەیوەندیدارەكان ئەم بڕیارە جێبەجێ دەكەن لە رۆژی گشتاندنی بڕیارەكە لەلایەن وەزارەتی كار و كاروباری كۆمەڵایەتییەوە.
3- ئەم بڕیارە لە رۆژنامەی (وەقایعی كوردستان) بڵاو دەكرێتەوە.
