ئاژانسی هەواڵی زاگرۆس

هەولێر.. نۆ پڕۆژەی تایبەت بە رێگەوبان جێبەجێ دەکرێت

 

لە سنووری پارێزگای هەولێر لەپێناو خزمەتکردنی زیاتری هاووڵاتییان و ئاسانکاری بۆ شۆفێران و باشترکردنی ڕێگەوبانەکان نۆ پڕۆژەی تایبەت بە رێگەوبان جێبەجێ دەکرێت.

ئەمڕۆ شەممە 20/4/2024، راگەیاندنی پارێزگای هەولێر بڵاوی کردەوە: “لە پێناو خزمەتکردنی زیاتر هاووڵاتییان و ئاسانکاری بۆ شۆفێران و باشترکردنی ڕێگەوبانەکانی سنووری پارێزگای هەولێر، نۆ پڕۆژەی چاککردنەوە و قیڕتاوکردن و دروستکردنی ئاوبەر، لە چەندین شوێنی جیاجیا، لەلایەن بەڕێوەبەرایەتیی پاراستن و چاککردنەوەی ڕێگەوبانی هەولێر خراوەتە تەندەرەوە و لە مزیکانە دەست بەجێبەجێکردنیان دەکرێت.”

ئاماژە بەوەش کراوە کە نۆ پڕۆژەکەی رێگەوبان ئەمانەی خوارەوەن:

1- چاککردنەوە و قیرتاوکردنی رێگەی سەرەکی (بنەسلاوە، پونگینە، گردیش و چەمرگە) بە درێژی 12,5کم.

2- چاککردنەوەی خێرا بۆ چەند شوێنێکی جیاجیا لە رێگەی سەرەکی (شەمامك – شێخ شێروان، عەوێنە) بە درێژی 21,7کم.

3- دروست كردنی ئاوبەری سندوقی (3*3) نۆ چاوە لەسەر ڕێگەی نێوان گوندەکانی (بن بێرز، عارەب کەند) لە ناحیەی شەمامک.

4- چاککردنەوەی خێرا بۆ چەند شوێنێکی جیاجیا لە رێگەی سەرەکی (مەخمور، قوشاغلو، قووشتەپە) بەدرێژی 19,5کم.

5- چاککردنەوەی خێرا بۆ چەند شوێنێکی جیاجیا لە رێگەی سەرەکی (بەستۆڕە، بەربیان، دارەشەکران، ئیفراز) بە درێژی 32کم دەکەوێتە قەزای خەبات.

6- چاککردنەوە و قیڕتاوکردنی رێگەی (هەبابان، دووڕیانی باسکە کاریتە) بەدرێژی 11کم.
7- چاککردنەوەی خێرا بۆ چەند شوێنێکی جیاجیا لە رێگەی سەرەکی (شێخ مەممودیان، لۆفەکانی زینەتیر، سێریانی بالیسان خەلیفان زینەتیر) بە درێژی 13,6کم لە ناحیەی بالیسان سەر بە قەزای شەقلاوە.

8- چاککردنەوە و قیرتاوکردنی رێگەی (کۆڕێ، بیرێژ) بە درێژی 4کم لە ناحیەی کۆڕێ قەزای پیرمام.

9- چاککردنەوەی خێرا بۆ چەند شوێنێکی جیاجیا لە رێگەی سەرەکی (حوجران، دەربەندی گۆمەسپان) بە درێژی 21کم.

هەواڵی پەیوەندیدار

سەرۆکی حکومەتی هەرێمی کوردستان لەگەڵ ژمارەیەک لە ئەندامانی کۆنگرێس کۆدەبێتەوە

دڵشاد

بەیاننامەی مەكتەبی سیاسیی پارتی دیموكراتی كوردستان لە چل و هەشتەمین ساڵیادی شۆڕشی گوڵاندا

دڵشاد

بوومەلەرزەیەکی به‌هێز بە گوڕی ٧،٤ پلە تایوانی هەژاند و قوربانی لێكه‌وته‌وه‌

سەڵاح