ئاژانسی هەواڵی زاگرۆس

بە پاڵپشتی سەرۆكی حكوومەت لاپتۆپ و داتا شۆ بۆ مامۆستایان دابین كرا

بە پاڵپشتی سەرۆكی حكوومەتی هەرێمی كوردستان ژمارەیەكی زۆر لە لاپتۆپ و داتا شۆ بۆ مامۆستایان دابین كرا بە مەبەستی سەركەوتنی ستراتیژی راهێنان لە ناوەندەكانی خوێندن.

وەزارەتی پەروەردە بڵاوی كردەوە: بە پاڵپشتی مەسرور بارزانی سەرۆکی حکوومەتی هەرێمی کوردستان بڕی (600) لاپتۆپ و(600) داتا شۆی شەحن بۆ مامۆستایانی ڕاهێنەری وەزارەتی پەروەردە دابین کرا.

بڵاویشی كردەوە: هەموو مامۆستایەکی ڕاهێنەر لاپتۆپێکی پێدراوە، هەروەها لەم هەفتەیەشدا هەموو مامۆستایەکی ڕاهێنەر داتا شۆیەکی شەحنی پێ دەدرێت کە بەهای لاپتۆپ و داتاشۆکان 607 ملیۆن و 800 هەزار دینارە.

وەزارەتی پەروەردە جەختیشی كردەوە كە دابینکردنی ئەم پێداویستییە سەرەکییانەی مامۆستای ڕاهێنەری ناوەندەکانی خوێندن بۆ سەرکەوتنی ستراتیژیی ڕاهێنانی وەزارەتی پەروەردە (2023-2030) دەبێت کە ئەمساڵی خوێندن کەوتە بواری جێبەجێکردنەوە.

 

هەواڵی پەیوەندیدار

لە سەدا ٧٠ی داهاتی عێراق بۆ دابینکردنی مووچە دەڕوات

سەڵاح

تەرمی ئەیهانی پێنج ساڵان لە ڕووباری ڕواندز دۆزرایەوە

دڵشاد

لە پاکستان دادوەرێک ڕفێندرا

سەڵاح