ئاژانسی هەواڵی زاگرۆس

کونسوڵی فەرەنسا: زۆر دڵخۆش و سەرفرازم کە ئەمڕۆ دەرفەتم بۆ ڕەخسا سەردانی دەڤەری بارزان بکەم

 

ئەمڕۆ چوارشەممە، 08-05-2024، یان برێم، کونسوڵی گشتیی فەرەنسا لە هەرێمی کوردستان سەردانی مەزاری “نەمران”ـی لە دەڤەری بارزان کرد و لەلایەن مەلا مستەفا بارزانییەوە پێشوازیی لێ کرا.

کونسوڵی گشتیی فەرەنسا لە هەرێمی کوردستان لە کۆنفرانسێکی ڕۆژنامەوانیدا ڕایگەیاند، “زۆر دڵخۆش و سەرفەرازم ئەمڕۆ دەرفەتم بۆ ڕەخسا بۆ جاری یەکەم سەردانی دەڤەری بارزانی و مەزاری نەمران بکەم. وەکو نوێنەری حکوومەتی فەرەنسا لە هەرێمی کوردستان، ئەم سەردانە بۆ ئێمە زۆر گرنگە بە تایبەت کە فەرەنسا دۆستی دێرینی گەلی کوردە.”

کونسوڵی گشتیی فەرەنسا لە هەرێمی کوردستان لە بەشێکی دیکەی قسەکانیدا ئاماژەی بەوە کرد، “بە ڕای ئێمە وەکو فەرەنسا، دەڤەری بارزان لانکە و دڵی شۆڕشی گەلی کوردە. دەڤەری بارزان لە هەمان کاتدا شوێنی مێژوویەکی دراماتیکی و تراژیدیایە”.

یان برێم لە کۆنفرانسە ڕۆژنامەوانییەکەدا پاڵپشتیی گەل و حکوومەتی فەرەنسای بۆ هەرێمی کوردستان دووپات کردەوە و جەختی لەوە کردەوە، کار بۆ برەودان بە پەیوەندییەکان لەگەڵ هەرێمی کوردستان لە هەموو بوارەکاندا دەکەن.

هەواڵی پەیوەندیدار

سەرۆکی حکومەتی هەرێمی کوردستان چاوی بە سەرۆک بوش دەکەوێت

دڵشاد

سەرۆکی حکومەتی هەرێمی کوردستان پێشوازی لە باڵیۆزی ئیتاڵیا لە عێراق دەکات

یاسین

حەماس، فەتح تۆمەتبار دەکات بەناردنی هێزە ئەمنییەکان بۆ باکووری غەززە

سەڵاح