ئاژانسی هەواڵی زاگرۆس

فراكسیۆنی پارتی بڕیاری قەدەغەكردنی ئاڵای كوردستانی لەسەر قوتابخانەكانی كەركووك ھەڵوەشاندەوە

دوای ھەوڵێكی زۆری فراكسیۆنی پارتی ،توانرا بڕیاری قەدەغەكردنی ئاڵای كوردستان لەسەر قوتابخانەكانی كەركووك ھەڵبوەشێندرێتەوە.

دكتۆر نەھلە ئەفەندی، ئەندامی فراكسیۆنی پارتی لە پەرلەمانی عێراق، بە ماڵپەڕی پارتی راگەیاند: دوای دەركردنی نووسراوی قەدەغەكردنی ئاڵای كوردستان لەسەر قوتابخانەكانی كەركووك، ئێمە وەك فراكسیۆنی پارتی كەوتینە دژایەتیكردنی بڕیارەكە و فراكسیۆنی پارتی بە سەرۆكایەتی ڤیان سەبری، سەرۆكی فراكسیۆن و بەندە لەگەڵ پەرلەمانتار نەجوا كاكەیی سەردانی وەزیری پەروەردەی عێراقمان كرد.

بڕیاری قەدەغەكردنی ئاڵای كوردستان لەسەر قوتابخانەكانی كەركووك ھەڵبوەشێندرێتەوە

گوتیشی: دوای دانوستانێكی زۆری فراكسیۆنی پارتی لەگەڵ ئیبراھیم نامس، وەزیری پەروەردەی عێراق و پێداگیری فراكسیۆنی پارتی لەسەر دەركردنی ئەو بڕیارە، توانیومانە ئەو بڕیارە ھەڵوەشێنینەوە.
روونیشیكردەوە: ئاڵای كوردستان ھاوشێوەی ئاڵای عێراق لەسەر قوتابخانەكانی كەركووك دەبێت و بەپێی دەستوور و یاساش ئاڵای كوردستان و عێراقیش لەسەر فەرمانگەكانی سەر بە حكوومەتی ھەرێمی كوردستان ھەیە.

 

 

 

هەواڵی پەیوەندیدار

پرێمەرلیگ.. ئارسناڵ گۆڵبارانی چێڵسی کرد و هەموانی شوککرد

sirwan

لە ساڵی ٢٠٢٣ ڕێژەی ئیعدام لە ئێران بە رێژەیەکی بەرچاو زیادی کردووە

یاسین

کونسوڵى گشتى تازەى تورکیا لە هەرێم دەستبەکاربوو

دڵشاد