ئاژانسی هەواڵی زاگرۆس

سەرۆکی حکومەت پێشوازی لە باڵیۆزی ڤاتیكان لە عێراق دەكات

ئەمڕۆ چوارشەممە 5/15 سەرۆكی حکومەتی هەرێمی کوردستان مەسرور بارزانی، پێشوازی لە میتیا لێسكۆڤار، باڵیۆزی ڤاتیكان لە عێراق كرد، كە بە مەبەستی ماڵئاوایی و كۆتایهاتنی ئەركەکەی سەردانی كردبوو.

لە کۆبوونەوەکەدا باڵیۆزی ڤاتیكان سوپاسی لایەنە پەیوەندیدارەکانی حکومەتی هەرێمی کوردستانی کرد، بۆ پێشکەشکردنی کارئاسانی و هاوئاهەنگیکردن لەگەڵ باڵیۆزخانە و هاریکاریکردنی لە پێناو سەرخستنی ئەرکەکەی.
باڵیۆزی ڤاتیکان هەروەها ڕۆڵی حکومەتی هەرێمی کوردستانی لە پاراستن و داکۆکیکردن لە مافەکانی گشت پێکهاتەکان و بەتایبەتی کریستیانەکانی هەرێم بەرز نرخاند.
سەرۆکی حکومەت جەختی لە پەرەپێدانی کولتووری بەیەکەوەژیانی ئاشتییانەی پێکهاتەکان کردەوە و پابەندبوونی هەرێمی کوردستانی بە پاراستنی مافی پێكهاتەکان دووپات کردەوە.
سەرۆکی حکومەت هەروەها سوپاسی باڵیۆزی کرد بۆ هەوڵ و کارکردنی لە پێناو بەهێزکردنی پەیوەندیی دوولایەنە و هیوای سەرکەوتنیشی بۆ خواست لە ئەرکی داهاتوویدا.

هەواڵی پەیوەندیدار

لەمانگی رەمەزان دەوامی فەرمانگەکان کەم دەکرێتەوە

یاسین

کەشى پێشبینیکراوى 48 کاتژمێرى داهاتوو راگەیەنرا

سەڵاح

هاتوچۆی سلێمانی: شەقامی سالمی سلێمانی دادەخرێت

سەڵاح