ئاژانسی هەواڵی زاگرۆس

ناوی ئەندامانی شاندی هەرێمی كوردستان بۆ بەشداریكردن لە پرسەی ڕەئیسی راگەیندرا

سەرۆكایەتی هەرێمی كوردستان ناوی شاندەكەی هەرێمی كوردستانی بۆ بەشداریكردن لە پرسەی ئیبراهیم ڕەئیسی سەرۆك كۆماری ئێران بڵاو كردەوە.

سەرۆكایەتی هەرێم رایگەیاند: بۆ به‌شداريكردن له‌ پرسه‌ى سه‌رۆكى كۆمارى ئيسلاميى ئێران خوالێخۆشبوو ئيبراهيم ڕه‌ئيسى و ياوه‌رانى، شاندێكى باڵاى هه‌رێمى كوردستان  سەردانی كۆماری ئیسلامی ئێران دەكەن.

راشیگەیاند: شاندەكە لە نێچيرڤان بارزانى سه‌رۆكى هه‌رێمى كوردستان، مه‌سروور بارزانى سه‌رۆكى حكوومه‌تى هه‌رێمى كوردستان، مسته‌فا سه‌يد قادر جێگرى سه‌رۆكى هه‌رێمى كوردستان، قوباد تاڵه‌بانى جێگرى سه‌رۆكى حكوومه‌تى هه‌رێمى كوردستان و ڕێبه‌ر ئه‌حمه‌د وه‌زيرى ناوخۆ پێكهاتوون.

ئێوارەی رۆژی یەكشەمی رابردوو ئیبراهیم رەئیسی سەرۆك كۆماری ئێران بەشداری لە ڕێوڕەسمی كردنەوەی پڕۆژەیەك لە پارێزگای ئازەربایجانی رۆژهەڵات كرد، لە كاتی گەڕانەوەیدا لەگەڵ چەند یاوەرێك هێلیكۆپتەرەكەیان كەوتە خوارەوە.

بەرەبەیانی رۆژی دووشەم هێلیكۆپتەرەكە لەنێو دارستانێكی چڕ بە تێكشكاوی دۆزرایەوە و دواتریش گیانلەدەستدانی سەرۆك كۆماری ئێران و سەرجەم سەرنشینانی هێلیكۆپتەرەكە راگەیەنرا كە لەنێویاندا حوسێن ئەمیر عەبدوڵاهیان وەزیری دەرەوە هەبوو.

بڕیارە سبەی چوارشەم بە بەشداری زۆرێك لە سەركردەكانی جیهان لە تارانی پایتەختی ئێران ڕێوڕەسمێكی فراون بۆ ماڵئاوایی لە سەرۆك كۆماری ئێران و یاوەرانی ئەنجام بدرێت.

دواتریش لە رۆژی پێنجشەم تەرمی ئیبراهیم رەئیسی سەرۆك كۆماری ئێران لە زێدی خۆی لە شاری مەشهەد بە خاك دەسپێردرێ

هەواڵی پەیوەندیدار

ڕاگەیەندراوێک لە سەرۆکی حکومەتی هەريمی کوردستانەوە

یاسین

وه‌زاره‌تی ته‌ندروستی : هیچ نەخۆشخانەیەک نەفرۆشراوە

یاسین

شاخه‌وان عه‌بدوڵا: هیچ به‌هانه‌یه‌ك بۆ نه‌ناردنی مووچه‌ و شایسته‌ داراییه‌كانی هه‌رێم نه‌ماوه‌

سەڵاح