ئاژانسی هەواڵی زاگرۆس

سەرۆکی ئەنجومەنی شارەزایانی ئێران هەڵبژێردرا

ئایەتوڵڵا محەمەدعەلی موەحەدیی کرمانی بە ٥٥ دەنگی ئەندامانی ئەنجومەنی شارەزایانی ڕێبەری بە سەرۆکی ئەم ئەنجومەنە هەڵبژێردرا.
ئاژانسی هەواڵی تەسنیم بڵاوی‌کردەوە، لە کاتێکدا ٨٣ ئەندامی ئەنجومەنی شارەزایانی ڕێبەری لە کۆبوونەوەی ئەم ئەنجومەنەدا ئامادە بوون، ئایەتوڵڵلا موەحەدیی کرمانی بە دەنگی ٥٥ ئەندام وەکوو سەرۆکی ئەنجومەن هەڵبژێردرا.
سەرۆکی خولی پێشووی ئەنجومەنەکە ئایەتوڵڵا ئەحمەد جەننەتی بوو، بەڵام لە هەڵبژاردنەکانی خولی شەشەمی هەڵبژاردنەکاندا خۆی کاندید نەکردەوە.
بەپێی پەیڕەوی نێوخۆی ئەنجومەنەکە سەرۆک بۆ ماوەی دوو ساڵ هەڵدەبژێردرێت.
بە پێی یاسا ئەنجمونی شارەزیانی ڕێبەری لە کۆماری ئیسلامیی ئێراندا چاودێری کاری ڕێبەرە و ئەگەر ڕێبەر نەمێنێت، ئەرکەکانی ئەو بەڕێوەدەبات و ڕێبەری نوێ هەڵدەبژێرێت.
ئێستا ئایەتوڵڵا عەلی خامنه‌ی ڕێبەری کۆماری ئیسلامیی ئێرانە.

هەواڵی پەیوەندیدار

قۆناخی دووهەمی هەڵبژاردنی مەجلیسی ئێران ١٠ ئایار بەڕێوە دەچێت

یاسین

پۆلیسی بەرلین خێوەتی مانگرتوانی لایەنگری فەڵەستینی کۆکردەوە

یاسین

جارێكی دیكه‌ کۆریای باکور سه‌دان باڵۆنی پڕ لە پیسایی و زبڵی بۆ كۆریای باشوور ناردوه‌

سەڵاح