ئاژانسی هەواڵی زاگرۆس

سه‌رۆكى هه‌رێمى كوردستان و سه‌رۆكى ئيمارات تاوتوێى په‌يوه‌ندييه‌كان ده‌كه‌ن

 

ئێواره‌ى ئه‌مڕۆ هه‌ينى 2024/5/24 به‌ڕێز نێچيرڤان بارزانى، سه‌رۆكى هه‌رێمى كوردستان، له ئه‌بو زه‌بى له‌لايه‌ن به‌ڕێز شێخ محه‌مه‌د بن زايد ئال نه‌هيان، سه‌رۆكى ئيماراته‌وه‌، پێشوازى لێكرا‌.

له‌ كۆبوونه‌وه‌كى دۆستانه‌‌دا په‌يوه‌ندييه‌كانى ئيمارات له‌گه‌ڵ عێراق و هه‌رێمى كوردستان، دۆخى عێراق و هه‌رێمى كوردستان و په‌يوه‌ندييه‌كانى هه‌ولێر ـ به‌غدايان تاوتوێ كرد، هه‌روه‌ها ده‌رباره‌ى دوايين پێشهاته‌كانى ناوچه‌كه‌، بيروڕايان گۆڕييه‌وه‌.

هه‌ردوولا جه‌ختيان له‌ بره‌ودان به‌ په‌يوه‌ندييه‌كان له‌ بوارى ئابوورى و بازرگانى و هاريكاريى وزه‌دا كرده‌وه‌، هه‌روه‌ها باسيان له‌ ده‌رفه‌ت و بواره‌كانى وه‌به‌رهێنان و سه‌رمايه‌گوزاريى ئيماراتى له‌ عێراق و هه‌رێمى كوردستان كرد، به‌تايبه‌تى له‌ پرۆژه‌كانى ژێرخان و په‌ره‌پێداندا.

ده‌رباره‌ى دۆخى ڕۆژهه‌ڵاتى ناوه‌ڕاست و لێكه‌وته‌كانيشى، هاوڕا بوون له‌سه‌ر گرنگيى كارى پێكه‌وه‌يى و هاريكاريى هاوبه‌ش و هه‌مه‌لايه‌نه‌ى وڵاتان بۆ پاراستنى ئارامى و سه‌قامگيرى و ڕێگرى له فراوانبوون و ته‌شه‌نه‌سه‌ندنى زياترى ئاڵۆزييه‌كان.

په‌يوه‌ندييه‌كانى هه‌ولێر و به‌غدا له‌گه‌ڵ وڵاتانى دراوسێ و ناوچه‌كه‌، گۆڕانى ئاووهه‌وا و لێكه‌وته‌كانى، هه‌روه‌ها چه‌ند پرسێكى جێى بايه‌خى هه‌ردوولا، لايه‌نێكى ديكه‌ى كۆبوونه‌وه‌كه‌ بوو.

 

هەواڵی پەیوەندیدار

باران بارین بەردەوام دەبێت

یاسین

بە ئامادەبوونی بەرپرسانی باڵای هەرێم و عێراق ئاهەنگی دەرچوونی قوتابیانی زانکۆی ئەمەریکی کوردستان لە دهۆک بەڕێوەدەچێت

یاسین

راگه‌یه‌ندراوێك له‌ کونسوڵخانەی ئه‌مریكا له‌ هه‌ولێره‌وه‌

یاسین