ئاژانسی هەواڵی زاگرۆس

سبه‌ی کونسوڵخانەی قەتەڕ لە هەولێر دەکرێتەوە

کونسوڵخانەی قەتەر لە هەولێر ده‌کرێتەوە و بۆ ئەو مەبەستەش شاندێکی قەتەری  له‌هه‌ولێری پایته‌ختن.

هەڵگورد ساڵەیی، ڕاوێژکاری فەرمانگەی پەیوەندییەکانی دەرەوەی هەرێمی کوردستان ڕاگەیاند: شه‌وی رابردوو شاندێکی قەتەری بە سەرۆکایەتیی دکتۆر ئەحمەد حەسەن، ئەمینداری گشتیی وەزارەتی دەرەوەی قەتەر گه‌یشتنه‌ فڕۆکەخانەی نێوەدەوڵەتیی هەولێر و لەلایەن سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان پێشوازیی لێكرا”.
گوتیشی: “سەردانەکە بە مەبەستی برەودان بە پەیوەندییەکانی میرنشینی قەتەر لەگەڵ هەرێمی كوردستان و چەند دیدارێکە لەگەڵ بەرپرسانی باڵای هەرێم، هاوکات بە مەبەستی کردنەوەی کونسوڵگەریی گشتیی دەوڵەتی قەتەرە بە شێوەیەکی فەرمی”.
ڕاوێژکارەکە ڕاشیگەیاند: ” سبه‌ی یەکشەممە، کونسوڵخانەی قەتەر لە هەولێر ده‌کرێتەوە، ئەمەش لە پەرەپێدانی پەیوەندییەکانی نێوان هەرێمی کوردستان و قەتەر لە سەرجەم بوارەکاندا گرنگیی خۆی دەبێت”.
تاکوو ئێستا لە هەرێمی کوردستان 41 کونسوڵگەری، نووسینگەی کونسوڵگەری، نووسینگەی باڵیۆزخانە، ئاژانس و کونسوڵگەریی فەخری هەن و چالاکییە دیپلۆماسییەکانی خۆیان بەڕێوە دەبەن.

هەواڵی پەیوەندیدار

71%ی دەرچووانی ئافرەت لە ئێران بێکارن

یاسین

وەزیری دارایی: پشتگیری هیچ پرۆژەیەک ناکەین کە بەبێ ڕەزامەندی لەسەر موڵکی وەزارەتی دارایی کرابێت

سەڵاح

ڕێکخراوی نەتەوە یەکگرتووەکان: چانسی گەڕانەوەی پەنابەرانی سووری لە ئوردنەوە بۆ وڵاتەکەیان کەمە

یاسین