ئاژانسی هەواڵی زاگرۆس

سه‌رۆك نێچيرڤان بارزانى پێشوازى له‌ باڵيۆزى فه‌ره‌نسا كرد

 

به‌يانيى ئه‌مڕۆ يه‌كشه‌ممه‌ 2024/6/9 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ به‌ڕێز پاتريك دۆرێل باڵيۆزى فه‌ره‌نسا له‌ عێراق كۆبووه‌وه‌.

له‌ كۆبوونه‌وه‌كه‌دا داكۆكييان له‌ بره‌ودان به‌ په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان كرده‌وه‌ و تيشكيان خسته‌ سه‌ر ده‌رفه‌ته‌كانى فراوانكردنى هاريكاريى هاوبه‌ش له‌ هه‌موو بواره‌كاندا.

هه‌ردوولا بيروڕايان ده‌رباره‌ى دۆخى هه‌رێمى كوردستان ئاڵوگۆڕ كرد و هاوڕا بوون له‌سه‌ر ئه‌نجامدانى هه‌ڵبژاردنى په‌رله‌مانى كوردستان له‌ كاتێكى گونجاوى ئه‌مساڵدا به‌ به‌شداريى هه‌موو لايه‌نه‌ سياسييه‌كان و پێكهاته‌كانى كوردستان.

له‌ ته‌وه‌رێكى ديكه‌ى كۆبوونه‌وه‌كه‌دا باسيان له‌ گرنگيى گفتوگۆى چاره‌سه‌ركردنى كێشه‌كانى هه‌ولێر ـ به‌غدا كرد و به‌ره‌وپێشچوونى په‌يوه‌ندييه‌كانى هه‌ردوولايان به‌ ئه‌رێنى هه‌ڵسه‌نگاند. له‌مباره‌يه‌وه‌ به‌ڕێز باڵيۆزى فه‌ره‌نسا هه‌وڵه‌كانى به‌ڕێز سه‌رۆكى هه‌رێمى كوردستانى به‌رز نرخاند و پشتگيريى وڵاته‌كه‌ى بۆ چاره‌سه‌ركردنى كێشه‌كان ده‌ربڕى.

پاراستنى سه‌قامگيريى سياسى له‌ عێراق، دۆخى ناوچه‌كه‌ و چه‌ند پرسێكى جێى بايه‌خى هاوبه‌ش، لايه‌نێكى ديكه‌ى كۆبوونه‌وه‌كه‌ بوو كه‌ به‌ڕێز كونسولى گشتيى فه‌ره‌نسا له‌ هه‌رێمى كوردستان ئاماده‌ى بوو.

هەواڵی پەیوەندیدار

سزای له‌ سێداره‌دان بۆ هاوسه‌ری شنیار هونەر ده‌رچوو

یاسین

وەزارەتی کارەبا: هەناردەی گاز بۆ وێستگەکانی کارەبا دەست پێ دەکاتەوە و دۆخی کارەبا ئاسایی دەبێتەوە

دڵشاد

نرخی نەوت لە بازاڕەکانی جیهاندا

سەڵاح