ئاژانسی هەواڵی زاگرۆس

بە ھەوڵی فراکسیۆنی پارتی بە ھەزاران ھاووڵاتیی له‌ ناوچه‌ كوردستانییه‌كان لە بڕه‌ پاره‌یه‌كی مانگانە سوودمەند دەبن

بە ھەوڵی فراکسیۆنی پارتی ھەزاران ھاووڵاتیی لە ناوچە کوردستانییەکانی دەرەوەی ئیدارەی حکوومەتی ھەرێمی کوردستان لە مینحەی مانگانەی چاودێری کۆمەڵایەتی سوودمەند دەبن و بەردەوامیش ڕەزامەندی لەسەر ناوی ھاووڵاتییان دەدرێت.

کاڤین شێخ سەعید، پەرلەمانتاری فڕاکسیۆنی پارتی بە ماڵپەڕی فەرمیی پارتی دیموکراتی کوردستانی ڕاگەیاند: فراکسیۆنی پارتی لە پەرلەمانی عێراق بەردەوامە لە وەرگرتنی ڕەزامەندی بۆ ئەو ھاووڵاتییانەی دەیانەوێ سوودمەندبن لە مینحەی مانگانەی چاودێری کۆمەڵایەتی، دوای ھەوڵێکی زۆر ناوی وەجبەیەکی دیکەی ھاووڵاتییان گەڕاوەتەوە و ڕەزامەندی لەسەر دراوە بۆ سوودمەندبوون لە مینحەی مانگانەی حکوومەتی فیدڕاڵ.

ئەو پەرلەمانتارەی پارتی دەشڵێت: تا ئێستا زیاتر لە سێ ھەزار ھاووڵاتی بە ھەوڵی فراکسیۆنی پارتی سوودمەندبوونە لە مینحەی مانگانە و ناوی زیاتر لە 180 ھاووڵاتی دیکە پەسەندکراوە و مانگانە سوودمەند دەبن لە ھەموو ئەو شایستانەی حکوومەتی فیدڕاڵ بۆ پاراستنی تۆڕی چاودێری کۆمەڵایەتی خەرجی دەکات.

کاڤین شێخ سەعید ئاماژەی بۆ ئەوە کرد:  ئێمە وەک پەرلەمانتارانی پارتی جگە لەو مینحەیە توانیومانە ڕەزامەندی بۆ جێبەجێکردنی دەیان پڕۆژەی خزمەتگوزاری بەدەست بێنین لە سنووری ناوچە کوردستانییەکان و بەشێکی زۆری ئەو پڕۆژانە جێبەجێ کراون و بەشێکی دیکەش لە بواری جێبەجێکردندان و بڕیاری ئەنجامدانی ژمارەیەکی دیکەش دەرچووە.

هەواڵی پەیوەندیدار

جامی یۆرۆ.. هۆڵەندا بە ڕیمۆنتادا شکستی بە پۆڵەندا هێنا

sirwan

هەنگاوەکانى دامەزراندنى سێ یەکەمەکانى سەر بەشەکانى زانکۆکان دەستپێکرد

یاسین

ژماره‌ وهۆكاری گیانله‌ده‌ستدانی حاجیانی ئه‌مساڵ راگه‌یه‌نرا

سەڵاح