ئاژانسی هەواڵی زاگرۆس

سەرۆکی حکومەت لە کۆشکی سپی له‌گەڵ ڕاوێژکاری ئاسایشی نیشتمانیی ئەمریکا کۆبووەوە

ئێوارەی ڕۆژی پێنجشەمە 29ی شوباتی 2024، مەسرور بارزانی، سەرۆکی حکومەتی هەرێمی کوردستان لە کۆشکی سپی لەگەڵ جەیک سولیڤان، ڕاوێژکاری ئاسایشی نیشتمانیی ئەمریکا کۆبووەوە.
لە سەرەتای کۆبوونەوەکەدا، ڕاوێژکاری ئاسایشی نیشتمانیی ئەمریکا، ئاماژەی بەوە دا کە سەرۆک جۆ بایدن سڵاو و ڕێزی بۆ سەرۆک بارزانی و سەرۆکی حکومەت هەیە و پشتیوانیی کۆشکی سپیشی بۆ کوردستانێکی بەهێز و مافە دەستوورییەکانی گەلی کوردستان دووپات کردەوە.

ڕاوێژکاری ئاسایشیی نیشتمانیی ئەمریکا، ستایشیی ئازایەتی و خەبات و قوربانیدانەکانی پێشمەرگەی کرد بەتایبەتی لە ڕووبەڕووبوونەوەی تیرۆریستانی داعش، جەختیشی لە گرنگیی پاراستنی ئاسایشی هەرێمی کوردستان و دابینکردنی بەشەبودجە و شایستە داراییەکانی هەرێم کردەوە.
سەرۆکی حکومەت سوپاسی پشتگیریی ویلایەتە یەکگرتووەکانی ئەمریکای کرد و دووپاتی کردەوە کە پێویستە ڕێز لە قەوارەی دەستووریی هەرێمی کوردستان بگیرێت و مافی پێکهاتەکانی کوردستان پارێزراو بێت و پێشێل نەکرێت.
سەرۆکی حکومەت هەروەها ئاماژەی بە گرنگیی جێبەجێکردنی دەستوور و پێکهێنانی ئەنجومەنی فیدراڵیی لە عێراق کرد.

هەواڵی پەیوەندیدار

لە كۆبوونەوەی سەرۆكی حكوومەت و وەزارەتی گەنجینەی ئەمەریكا باس لە پڕۆژەی هەژماری من كراوە

سەڵاح

کەشناسی : پلەکانی گەرما کەمێك  بەرز دەبێتەوە

سەڵاح

ناوی یه‌ده‌گی حاجیان بۆ ئه‌مساڵ بۆ ساڵی 2025 هه‌مان مافیان ده‌بێت

سەڵاح