ئاژانسی هەواڵی زاگرۆس

پێكهاته‌كانی کلدان، ئاشووری و ئەرمەن راگه‌یه‌ندراوێك ئاراسته‌ی كۆمه‌ڵگه‌ی نێوده‌وڵه‌تی ده‌كه‌ن

نوێنەری رێکخراوەکانی کۆمەڵگەی مەدەنی کلدان، ئاشووری و ئەرمەن له‌ راگه‌یه‌ندراوێكدا كه‌ ئاراسته‌ی رایگشتی كۆمه‌ڵگه‌ی نێوده‌وڵه‌تی كراوه‌، داوا ده‌كه‌ن به‌هۆی بڕیاره‌كانی دادگای فیدڕاڵییه‌وه‌ له‌ له‌ناوچوون بپانپارێزێت.

ئه‌مڕۆ (شه‌ممه ‌ 16ـی ئاداری 2024) نوێنەری رێکخراوەکانی کۆمەڵگەی مەدەنی کلدان، ئاشووری و ئەرمەن له‌میانی كۆنگره‌یه‌كی رۆژنامه‌وانیدا راگه‌یه‌ندراوێكی هاوبه‌شیان ئاراسته‌ی كۆمه‌ڵگه‌ی نێوده‌وڵه‌تی، رێكخراوه‌كانی مافی مرۆڤی سه‌ر به‌ نه‌ته‌وه‌ یه‌كگرتووه‌كان، نوێنه‌ری یه‌كێتی ئه‌وروپا له‌ عێراق، نوێنه‌ری ئه‌مه‌ریكا له‌ عێراق، سه‌رجه‌م باڵیۆزخانه‌ و كونسوڵخانه‌كانی عێراق و هه‌رێمی كوردستان، هه‌ر سێ سه‌رۆكایه‌تییه‌كه‌ی عێراق و كۆمسیۆنی باڵای مافه‌كانی مرۆڤ له‌ عێراق كردووه‌ و تێیدا داوا ده‌كه‌ن به‌هۆی بڕیاره‌كانی دادگای فیدڕاڵییه‌وه‌ له‌ له‌ناوچوون بپانپارێزێن.

رێکخراوەکانی کۆمەڵگەی مەدەنی کلدان و ئاشووری و ئەرمەن ئاماژه‌یان به‌وه‌ كردووه‌، بڕیاره‌كه‌ی دادگای فیدڕاڵی پێكهاته‌ ئایینی و نه‌ته‌وه‌ییه‌كانیان له‌ په‌رله‌مانی كوردستان بێبه‌ش كرد، له‌ كاتێكدا ئه‌وان له‌ ساڵی 1992ـوه‌ له‌لایه‌ن په‌رله‌مانی كوردستانه‌وه‌ ئه‌و مافه‌یان پێ دراوه‌.

رێکخراوەکانی کۆمەڵگەی مەدەنی کلدان و ئاشووری و ئەرمەن ‌ هه‌روه‌ها رایانگه‌یاندووه‌، بڕیاره‌كه‌ی دادگای فیدڕاڵی چاوه‌ڕواننه‌كراو و سته‌مێك بوو به‌رامبه‌ر به‌ پێكهاته‌كان له‌ به‌شداریكردنیان له‌ هه‌ڵبژاردنی په‌رله‌مانی كوردستان.

رێکخراوەکانی کۆمەڵگەی مەدەنی کلدان و ئاشووری و ئەرمەن سه‌ركۆنه‌ی بڕیاره‌كه‌یان كردووه‌ به‌ سته‌مكارانه‌ ناویان بردووه‌ دژ به‌ پێكهاته‌ ره‌سه‌نه‌كانی گه‌لی كوردستان كه‌ شانبه‌شانی بزووتنه‌وی رزگاریخوازی كوردستانی و عێراق خه‌باتیان كردووه‌ به‌شداری و رۆڵیان له‌ پڕۆسه‌ی سیاسی عێراقی نوێدا هه‌بووه‌.

رۆژی چوارشەممە، 21-02-2024، دادگای باڵای فیدراڵیی عێراق بۆ یەکلاییکردنەوەی ئەو سکاڵایانەی لە دژی مووچەی فەرمانبەر و مووچەخۆرانی هەرێمی کوردستان و یاسای تایبەت بە هەڵبژاردنی پەرلەمانی کوردستان تۆمارکراون، کۆبووەوە.

بەشێک لە بڕیارەکانی دادگای فیدراڵی لەبارەی هەڵبژاردنی پەرلەمانی کوردستان:

1. کۆمیسیۆنی باڵای سەربەخۆی هەڵبژاردن و راپرسی ئەرکی بەڕێوەبردن و سەرپەرشتیکردنی خولی شەشەمی هەڵبژاردنی پەرلەمانی کوردستان لە جێگەی کۆمیسیۆنی باڵای سەربەخۆی هەڵبژاردن و راپرسی هەرێمی کوردستان دەگرێتە ئەستۆ.

2. بۆ خولی شەشەمی هەڵبژاردنی پەرلەمانی کوردستان؛ هەرێمی کوردستان بەسەر چوار بازنەی هەڵبژاردندا دابەش دەکرێت.

3. ژمارەی کورسی کوتاکان کە 11 کورسین هەڵدەوەشێندرێنەوە و نادەستوورین؛ بەو پێیەش کۆی ژمارەی کورسی پەرلەمانی کوردستان لە 111 کورسییەوە دەکرێنە 100 کورسی.

هەواڵی پەیوەندیدار

جۆو بایدن: دەبێت ناتانیاهۆ ڕێگە بە گه‌یاندنی هاوکاری زیاتر بۆ غەززە بدات

سەڵاح

سەرۆکی حکومەتی هەرێمی کوردستان لەگەڵ باڵیۆزی ئەمەریکا لە عێراق کۆبووەوە

سەڵاح

پۆلیسی تورکیا دەیان کەسی بەگومانی داعشبوون و ئەنجامدانی هێرش دەستگیر کرد

سەڵاح