ئاژانسی هەواڵی زاگرۆس

پەیامێک لە مەکتەبی سیاسیی پارتی دیموکراتی کوردستان

پەیامى پیرۆزبایی مەکتەبی سیاسیی پارتی دیموکراتی کوردستان بە بۆنەی جەژنی سەری ساڵی نوێی ئاینى ئێزدى

بە بۆنەی هاتنەوەی جەژنی سەری ساڵی نوێی خوشک و برایانی کوردى ئێزدی گەرمترین پیرۆزبایی لە میر و کەسایەتی و شێخانی ئێزدی و ئەنجوومەنی ڕووحانی ئایینی ئێزدی و سەرجەم ئێزدیانی کوردستان و جیهان دەکەین و، هیواخوازین ئەو جەژنە بە خۆشی و ئارامی و ئاسودەیى بەسەربەرن.
لەم بۆنەیەدا جەخت لەسەر پاراستن و بەهێزترکردنى کولتوورى پێکەوەژیان و برایەتى نێوان سەرجەم پێکهاتە ئایینی و ئایینزا و نەتەوەییەکانی کوردستان دەکەینەوە لە پێناو خۆشگوزەرانى هاووڵاتیان و ئایندەیەکی ڕۆشنتر و دەستکەوتی زیاتر بۆ وڵاتەکەمان.
ئێمە لە پارتی دیموکراتی کوردستان وەک هەمیشە پاڵپشتی و پشتیوانی خۆمان و سەرۆک بارزانی بۆ خواست و ویستی ڕەوای خوشک و برایانی کوردى ئێزدی دووپات دەکەینەوە لە چارەسەرکردنی یەکجارەکی کێشەی شنگال بەتایبەتی و ئەو ناوچە و شوێنانەی دەوروبەری بە گشتی و ئاوەدانکردنەوەیان و، قەرەبووکردنەوەى ماددى و مەعنەوى زیانلێکەوتوان و دووبارە نەبوونەوەى نەهامەتییەکان و، دەستەبەرکردنی سەقامگیری و ئاشتەوایی و خۆشگوزەرانی بۆیان.
جارێکی دیکە جەژنی سەری ساڵی نوێی ئاینى ئێزدی پیرۆز دەکەین و ئومێدی بەختەوەری و شادی بۆ هەموولایەک دەخوازین.

مەکتەبی سیاسیی
پارتی دیموکراتی کوردستان
١٧ی نیسانی ٢٠٢٤

هەواڵی پەیوەندیدار

ئامانج هه‌ركی: تاوانی هەڵەبجە برینێکی سارێژنەکراوە

دڵشاد

بۆ جارا ئێکێیە جۆرەکێ نەشتەرگەریێ ل نەخۆشخانا ئازادی دهێتە ئەنجامدان

سەڵاح

بنگه‌هێ لالش خوارنا فتارێ گه‌هانده‌‌ زيانڤێكه‌فتيێن لافاوا دهۆكێ

سەڵاح