ئاژانسی هەواڵی زاگرۆس

سه‌رۆك نێچيرڤان بارزانى، پيرۆزبايى له‌ كرێكاران ده‌كات

يه‌كى ئايار، له‌ ڕۆژى جيهانيى كرێكاراندا، گه‌رمترين پيرۆزبايى له‌ هه‌موو كرێكارانى كوردستان، عێراق و جيهان ده‌كه‌م، ده‌ستى كار و ماندووبوونيان ده‌گوشم و هيواى ئاسووده‌يى و خۆشگوزه‌رانى و سه‌رفرازييان بۆ ده‌خوازم.

له‌ كاتێكدا به‌ ڕێز و پێزانينه‌وه‌ له‌ ئه‌رك و ڕه‌نجى كرێكاران و ڕۆڵى كارايان له‌ پرۆسه‌ى ئاوه‌دانكردنه‌وه‌ و بنياتناندا ده‌ڕوانم، جه‌خت له‌ به‌رده‌واميى پشتگيرى له‌ هه‌موو ماف و داوا ڕه‌واكانيان و پێويستيى هه‌بوونى ياسايه‌كى پێشكه‌وتووى سه‌رده‌ميانه‌ ده‌كه‌مه‌وه‌ كه‌ زه‌مينه و ژينگه‌‌ى له‌بارى كاركردن و ژيانێكى باشتر بۆ چينى زه‌حمه‌تكێشى كرێكاران و خێزانه‌كانيان بێنێته‌ ئاراوه‌‌.

هه‌ر له‌م ياده‌دا هانى سه‌نديكا و ڕێكخراوه‌كانى كرێكاران ده‌ده‌م كارى باشتر بكه‌ن و هه‌وڵى زياتر بده‌ن بۆ دابينكردن و پاراستنى مافه‌كانى كرێكاران و ڕه‌خساندنى يه‌كسانى له‌ ده‌رفه‌ته‌كانى كاردا، هه‌روه‌ها ده‌بێ لايه‌نه‌ په‌يوه‌نديداره‌كان چاودێريى خێزانى ئه‌و كرێكارانه‌ بكه‌ن كه‌ له‌ كاردا ژيانيان له‌ ده‌ست داوه‌ و بايه‌خ و گرنگى به‌ باشتركردنى دۆخى ژيان و گوزه‌رانيان بدرێت.

يه‌كى ئايار له‌ هه‌موو لايه‌ك پيرۆز بێت و هيواى پشوويه‌كى ئارام بۆ كرێكاران ده‌خوازم.

نێچيرڤان بارزانى
سه‌رۆكى هه‌رێمى كوردستان
1ى ئايارى 2024

هەواڵی پەیوەندیدار

فوئاد حوسێن: پێشبینی دەکرێت لەم چەند ڕۆژەیە پرسی مووچە چارەسەر بکرێت

یاسین

کۆبوونەوەى یەکلایکردنەوە و چارەسەرى گرفت و کێشەکانى زەوی و زار

دڵشاد

نێچیرڤان بارزانی په‌یامێكی لەبارەی سەردانەکەی ئەردۆگان بۆ عێراق و هه‌رێمی كوردستان بڵاوكرده‌وه‌

سەڵاح