ئاژانسی هەواڵی زاگرۆس

چامپیۆنزلیگ.. بایرن نەیتوانی لە ریال بباتەوە و چاوی لە یاری داهاتوویە

لە یاری چوونی خولی یانە پاڵەوانەکانی ئەوروپا، یانەی بایرن میونشن لە ئەلیانز ئەرینا ڕووبەڕووی ریال مەدرید بوویەوە.

 

لە ئەنجامدا یارییەکە بە یەکسانی و بە دوو گۆڵ بۆ هەردوولا کۆتاییهات.

 

هەر لەگەڵ فیکەی ناوبژیوان یاریێکی بەهێز دەرکەوت و هەردوو یانە چەندین هێرشیان کرد، تا لە خولەکی 24دا ریال مەدرید دەستپێشخەری کرد لە ڕێگەی ڤینیسیۆس و گۆڵی یەکەمی یارییەکە تۆمارکرد، دوای ئەوە هەوڵەکانی هەردوو لا بەردەوامبوون بەڵام ئەو تایمە بەو شێوەیە مایەوە.

 

لە تایمی دووەمدا، بایرنی خاوەن یاریگا و هاندەر باشتر بینرا و توانی دوو گۆڵی لەدوای یەک لە خولەکەکانی 53 و 57 لەلایەن لۆری سانێ و هارێ کەین بە لێدانی سزا تۆمارکرد،

دوای ئەوە ئەنشلۆتی سێ گۆڕانکاری ئەنجامدا و دەستی کرد بە هێرشبردن تا لە فشارەکانی ناوبژیوان لێدانێکی سزای بۆ هەژمارکرد و ڤینیسیۆس توانی بە سەرکەوتوویی جێبەجێ بکات و گۆڵی بەرامبەر بۆ یانەی مێرنگی تۆمارکردەوە و یارییەکەش بەو شێوەیە کۆتاییهات.

 

بڕیارە یاری گەڕانەوە لە 8ی مانگی هەردوو یانە لە یاریگای سانتیاگۆ بێرنابیۆ ڕووبەڕووی یەکتر ببنەوە.

هەواڵی پەیوەندیدار

خولی ئیتاڵیا.. لازیۆ لەدوا خولەکەکان سێ خاڵی لە یۆڤانتۆس وەرگرت

sirwan

خولە بەهێزەکان.. خشتەی یارییەکانی ئەمڕۆ یەکشەممە

sirwan

ماڵپەڕ ئاژانسی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات

hakar herki