لە درێژەی یارییەکانی قۆناغی هەشتی جامی یەکێتی ئینگلتەرا، یانەی چێڵسی ڕووبەڕووی لیستەر سیتی بوویەوە.
لە ئەنجامدا یانەی چێڵسی توانی بە چوار گۆڵی بەرامبەر دوو گۆڵ شکست بە لیستەر سیتی بهێنێت و خۆی بگەیێنتە قۆناغی داهاتوو.
لە تایمی یەکەمدا، چێڵسی خاوەن یاریگا بەهێز دەرکەوت و کۆنتڕۆڵی یاریەکەی کرد، لە خولەکی 13دا یاریزان مارک کوکورێلا توانی گۆڵی یەکەم تۆماربکات،
دوا بەدوای فشاری شین پۆشەکانی لەندەن، ناوبژیوان لێدانێکی سزای بۆ هەژمارکرد بەڵام ستێرلینگ سەرکەوتوو نەبوو و لێدانەکەی لەدەستدا، لە خولەکی یەکی کاتی زیادکراودا پالمەر چێڵسی کرد خاوەن دوو گۆڵ.
تایمی دووەم دەستیپێکردەوە و یانەی لیستەر بووە خاوەن گۆڵێک، کاتێک یاریزان ئەلێکس دیساسی لە خولەکی 51 دا گۆڵێکی بەهەڵە لە خۆیان تۆمارکرد،
دوای ئەو گۆڵە لیستەر سیتی هێزی بۆ گەڕایەوە و لە خولەکی 61 گۆڵی بەرامبەری لەڕێگەی ستیفی ماڤیدیدی تۆمارکردەوە.
ناوبژیوان یاریزانێکی لیستەر سیتی لە خولەکی 73دا بەکارتی سوور کردە دەرەوەی یاریگا.
ناوبژیوان 8 خولەکی وەک کاتی بەفیڕۆ چوو دا بە یارییەکە، لە خولەکی 2دا چۆکویمێکا یانەی چێڵسی پێشخست و گۆڵی سێیەمی کرد، لە دوا خولەکی زیادکراو نونی مادوکی گۆڵی چوارەم و دڵنیایی بلۆزی تۆمارکرد.
بەم سەرکەوتنە، یانەی چێڵسی گەیشتە یاری پێش کۆتایی جامەکە و لیستەریش ماڵئاوایی لە جامەکە کرد.