ئاژانسی هەواڵی زاگرۆس

چاڤی دەیەوێت ئەستێرەیەک بگەڕێنێتەوە ڕیزەکانی بارسا

چاڤی هێرناندێز ڕاهێنەری یانەی بەرشەلۆنە ترسی لەدەستدانی یەکێک لە یاریزانە دیارەکانی ئەو یانەیە دەکات.

گرێبەستی یاریزان جواو کانسێلۆ لە هاوینی ئەم ساڵ کۆتایی دێت کاتێک بەشێوەیێکی خواستن لە یانەی مانچستەر سیتی یاری دەکات.

ڕۆژنامەی سپۆرتی ئیسپانی ڕایگەیاند، مانچستەر سیتی بەنیازی نوێکردنەوەی گرێبەستی یاریزانە پرتوگالیەکە نییەو و پلانی هەیە لە هاوینی داهاتوودا بیفرۆشێت.

لە درێژەی هەواڵی ڕۆژنامەکەدا هاتووە کە یانەی مانچستەر سیتی لەبەرامبەر فرۆشتنی یاریزانی ناوبراو داوای 40 ملیۆن یۆرۆ دەکات ئەمەش ژمارەیەکە کە بارسا ناتوانێت بیکڕێت.

ڕۆژنامەکە ئاماژەی بەوەشکرد، مانسیتی پێشتر دوو ئۆفەری بۆ کڕینی کانسێلۆ بەدەستگەیشتووە، یەکەمیان لە یانەیەکی ئینگلیزی و ئوفەرێکی تریش لە خولی سعودیەوە.

شایانی باسە چاڤی گرنگی بە تواناکانی یاریزانەکە دەدات و یاریزانەکەش دەخوازێت بەهەر نرخێک بێت لەگەڵ یانە کەتەلۆنیەکە بمێنێتەوە و درێژە بە کاروانی وەرزشی بدات.

هەواڵی پەیوەندیدار

چاڤی هه‌واڵێكی ناخۆشی پێده‌گات

یاسین

چامپیۆنزلیگ.. دۆرتمۆند بە ڕیمۆنتادا ئەتلەتیکۆی دوورخستەوە و گەیشتە قۆناغی داهاتوو

sirwan

محمەد سەڵاحیش کراوەتە ئامانج و بەرەو سعودیە

sirwan