لە یارییەکانی هەفتەی 31 خولی ئینگلتەرا چێڵسی لە ستامفۆرد بریچ میوانداری مانچستەر یونایتدی کرد.
لە یاریێکی دراماتیکی و پڕ گۆڵدا یانەی چێڵسی توانی لە لەدوا خەلەکان بە چوار گۆڵ بەرامبەر سێ گۆڵ شکست بە شەیتانە سوورەکان بهێنێت.
لە سەرەتای تایمی یەکەمدا یانەی بلۆز باشتر دەرکەوت و ئەمەش وایکرد تاکو دوو گۆڵ لە خولەکەکانی چوار و 19 لەڕێگەی یاریزانان گالاگێر و پاڵمەر تۆماریانکرد،
بەڵام مانیونایتد ئەنجامەکەی قبوڵنەکردو و هەوڵەکانیان چڕکردەوە و توانیان ئەنجامەکە یەکسانبکەنەوە بەرلە کۆتاییهاتنی ئەو تایمە و لە خولەکەکانی 34 و 39 دوو گۆڵیان لەرێی یاریزانان گارناچۆ و برۆنۆ فێرناندێزەوە تۆماربکەن.
لە تایمی دووەمدا مانچستەری میوان ڕیمۆنتادای کرد و توانیان لە خولەکی 67 گۆڵێکی تر لەلایەن گارناچۆ تۆماربکەن، دوای ئەوە هەردوو لا بەردەوامبوون لە فشارەکانیان، ئەوەبوو چێڵسی خاوەن یاریگا دوو گۆڵی تر لە ڕێگەی پالمەر لە خولەکی 10 و 11 کاتی زیاکرداو تۆمارکرد و سێ خاڵی لە چنگی مانچستەر یونایتد دەرهێنا.
بەم بردنەوەیە، یانەی چێڵسی بەکۆکردنەوەی 42 خاڵ لە پلەی 10یەمی ڕیزبەندی دێت، مانچستەر یونایتدیش 48 خاڵی هەیە و پلەی شەشەمی گرتووە.