ئاژانسی هەواڵی زاگرۆس

وه‌زیری رۆشنبیری و لاوان پێشوازی له‌ ستافی فیلمی “خۆشه‌ویستی له‌ سه‌رده‌می كۆرۆنادا” كرد

حه‌مه‌ی حه‌مه‌سه‌عید، وه‌زیری رۆشنبیری و لاوانی حكومه‌تی هه‌رێمی كوردستان، له‌ نووسینگه‌ی تایبه‌تی خۆی له‌ سلێمانی پێشوازی له‌ ده‌رهێنه‌ر و ستافی فیلمی “خۆشه‌ویستی له‌ سه‌رده‌می كۆرۆنادا” كرد.

له‌ میانی دیدارێكدا، وه‌زیری رۆشنبیری و لاوان، سوپاس و پێزانینی ئاراسته‌ی ده‌رهێنه‌ر و ستافی فیلمه‌كه‌ كرد، كه‌ دیوێكی دیكه‌ی ژیانیان له‌ سه‌رده‌می كۆرۆنا له‌ هونه‌ری سینه‌مادا وێنا كردووه‌ و له‌ دیدگەیه‌كی كوردییه‌وه‌ واقیعی هه‌لومه‌رجی بڵاوبوونه‌وه‌ی په‌تای كۆرۆنایان به‌ زمانی هونه‌ر به‌ گشتیی و سینه‌ما به‌ تایبه‌ت گێڕاوه‌ته‌وه‌.

له‌و چوارچێوه‌یه‌دا، حه‌مه‌ی حه‌مه‌سه‌عید، پشتیوانی وه‌زاره‌تی رۆشنبیری و لاوانی بۆ سینه‌ماكارانی كورد به‌ گشتیی دووپاتكرده‌وه‌ و هیوای خواست هونه‌رمه‌ندانی بواری سینه‌ما بتوانن په‌ره‌ی زیاتر به‌ فیلمسازی و به‌رهه‌می سینه‌مایی بده‌ن.

فیلمی “خۆشه‌ویستی له‌ سه‌رده‌می كۆرۆنادا” له‌ ده‌رهێنانی شوان عه‌توفـه‌و هه‌ر یه‌ك له‌ ماھیر حەسەن، ئەحمەد جۆڵا، رێشان حەمۆ، سیروان جەمال، سروشت کامەران، شوان کەریم، و ژاڵە رەسووڵ رۆڵی سەرەکی تێیدا دەگێڕن.

فیلمه‌كه‌ 100 خوله‌كه‌ و بەرهەمێکی ڕۆمانسی و كۆمیدییه‌، باس لە نەمانی خۆشەویستی و ئه‌و نه‌هامه‌تیانه‌ ده‌كات، له‌ هه‌لومه‌رجی بڵاوبوونه‌وه‌ی په‌تای كۆرۆنا به‌سه‌ر مرۆڤایه‌تیدا هاتن.

هەواڵی پەیوەندیدار

فیلمی “Barbie” بەردەوامە لە بەدەستهێنانی داهات

ART

داهاتی “Madame Web” لە سینەماکاندا

ART

هونەرمەند جەمال هیدایەت ماڵئاوایی لە ژیان كرد

ART