ئاژانسی هەواڵی زاگرۆس

په‌نجا ساڵ لەمەوبەر لەیلا قاسم و هاوڕێکانى لە سێدارەدران

لە رۆژی 28ی نیسانی 1974 لە ھەڵمەتێکی بەرفراوانی ھێزە ئه‌منی و سەربازییه‌كانی رژێمی بەعس لە بەغدا، لەیلا قاسم و چوار لە هه‌ڤاڵانى (جەواد ھەمەوەندی، نەریمان فوئاد مەستی، حەسەن حەمەڕەشید و ئازاد سلێمان میران) دەستگیر کران.

رژێمی بەعس بە مەبەستی چاوترساندنی لاوان و قوتابییان و توێژى رۆشنبیری کورد و گه‌لى كوردستان، دوای دەستگیرکردنیان به‌په‌له‌ حوكمێكى نادادپه‌روه‌رانەى دژ بە لەیلا قاسم و هه‌ڤاڵانى دا و بڕیاری لەسێدارەدانی بۆ دەرکردن، سەرلەبەیانی رۆژی 12ی ئایاری 1974، لەیلا قاسم و ھەر چوار هه‌ڤاڵه‌كه‌ى لە سێدارە دران.

کورتەیەک لە ژیاننامەی لەیلا قاسم

کچە تێكۆشەری كورد، ساڵی 1952 لە گوندی بانمیلی سەر بە شاری خانەقین لە خێزانێكی نیشتمانپەروەری كورد لە دایك بووە. قاسم حەسەنی باوكی لەیلا، كرێكاری كۆمپانیای پاڵاوگەی نەوتی ئەلوەند بووە، دوای خانەنشینیی ساڵی 1971 لە خانەقینەوە ماڵیان گواستۆتەوە بەغدا، ئەو کات تەواوی خوشك و براكانی لەیلا بە ناوەکانی (سەبیحە، سەلام، سەفا، سەلاح) قوتابی بوون و لە پاڵ ئەرکی خوێندن بۆ پەیداکردنی بژێوی کاریان کردووە.

لەیلا قاسم بۆ یەكەم جار لە ساڵی 1958 لە خانەقین چووەتە بەر خوێندن و قۆناغەكانی سەرەتایی و دواناوەندی لەو شارە تەواو كردووە، لە ساڵی 1971 دا لە بەشی كۆمەڵناسی كۆلێجی ئادابی زانكۆی بەغدا وەرگیراوە.

لەیلا قاسم لەگەڵ ئەوەی لە بنەماڵەیەکی هەژار و کوردپەروەر بوو هەمیشە بەرانبەر بەو زوڵم و زۆردارییەی ڕژێمی عێراق لە دژی گەلی كورد دەیکرد، بیری ئازادیخوازانە و خەبات و تێكۆشان زیاتر پەرەی دەسەند.

 

هەواڵی پەیوەندیدار

نێچیرڤان بارزانی : له‌يلا قاسم نموونه‌ى كچێكى شكۆمه‌ندى كوردستانه‌ كه‌ بۆ هه‌ميشه‌ يادى ده‌مێنێته‌وه‌

یاسین

لەسەر ڕەزامەندیی سەرۆكی حكوومەت، 25 هەلی كار لە دوو فەرمانگەی كارتی نیشتمانی راده‌گه‌یه‌نرێت

سەڵاح

سه‌رۆك نێچيرڤان بارزانى جه‌خت له‌ ڕووبه‌ڕووبوونه‌وه‌ى مه‌ترسييه‌كانى گۆڕانى ئاووهه‌وا ده‌كاته‌وه‌

یاسین