ئومێد خۆشناو، پارێزگاری هه‌ولێر، به ئاماده‌بوونی فه‌رهه‌نگ غه‌فوور، به‌ڕێوه‌به‌ری گشتیی رۆشنبیری و هونه‌ری هه‌ولێر، پێشوازیی له هونەرمەند شێرزاد نانه‌كه‌لی کرد.
ئەو گۆرانیبێژە له ماوه‌ی رابردوودا كلیپێكی گۆرانی به ناونیشانی “شاری پێكه‌وه ژیان” بڵاوكرده‌وه، تێیدا هه‌ولێری به هێما و ناونیشانی پێكه‌وه ژیان وه‌سف كردووه.
له دیداره‌كه‌دا، پارێزگاری هه‌ولێر به‌خێرهاتنی هونه‌رمه‌ند شێرزاد نانه‌كه‌لی كرد و ده‌ستخۆشی بڵاوكردنه‌وه‌ی كلیپی نوێیه‌كه‌ی لێ كرد و هیوای سه‌ركه‌وتنی بۆ خواست.
له‌لایه‌ن خۆیه‌وه شێرزاد نانه‌كه‌لی سوپاسی پارێزگاری هه‌ولێری كرد، بۆ ئه‌و پێشوازییه گه‌رمه لێكرا و رایگه‌یاند، هه‌میشه له رێگه‌ی هونه‌ر و میوزیكه‌وه خۆشه‌ویستی بۆ خاك و نه‌ته‌وه و نیشتمان دووپات ده‌كاتەوە.
پاشان پارێزگاری هه‌ولێر قه‌ڵغانی رێزلێنانی پێشكه‌ش به هونه‌رمه‌ند شێرزاد نانه‌كه‌لی كرد و هیوای سه‌ركه‌وتن و كاری ناوازه‌تری بۆ خواست.
هەواڵی پێشوو