ئاژانسی هەواڵی زاگرۆس

دۆناڵد ترەمپ بەڵێنێک بە لایەنگرانی دەدات

دۆناڵد ترەمپ، سەرۆکی پێشووی ئەمەریکا بەڵێنی دا سنووری باشووری وڵاتەکەی دابخات و کۆتایی بە هاتنی کۆچبەران لە مەکسیکەوە بهێنێت و کۆچبەرانی نایاسایی دیپۆرت بکاتەوە بۆ ئەو شوێنەی لێیەوە هاتوون.
ترەمپ جێبەجێکردنی ئەم بەڵێنانەی بەستەوە بە سەرکەوتنی لە هەڵبژاردنەکانی سەرۆکایەتی ئەمەریکا کە لە مانگی نۆڤەمبەری داهاتوودا بەڕێوەدەچێت.
ترەمپ لەبەردەم گەورەترین کۆبوونەوەی جەماوەری لە نیوجرسی گوتی: “لە یەکەم ڕۆژی ئیدارە نوێیەکەمدا، سنووری باشوور دادەخەم و کۆتایی بەم لەشکرکێشییە دێنم و هاوپەیمانەکانی جۆو بایدن دیپۆرت دەکەمەوە بۆ ئەو شوێنەی لێوە هاتوون”.
هەروەها بەڵێنیدا دوای ئەوەی جارێکی دیکە هاتەوە سەر دەسەڵات، “گەورەترین ئۆپەراسیۆنی دیپۆرتکردنەوە لە مێژووی ئەمەریکادا” دەستپێدەکات.
میدیاکانی ئەمەریکا بڵاویانکردەوە، کۆبوونەوەکەی لایەنگرانی ترەمپ نزیکەی 80 بۆ 100 هەزار کەسی تێدابووە.
ئا:ج

هەواڵی پەیوەندیدار

ئێران هێرشی سەر هێزە ئەمنییەکان لە باشووری خۆرهەڵات کۆتایی هات

سەڵاح

ئەمەریکا پشتیوانی خۆی بۆ ئیسرائیل دووپات دەکاتەوە

یاسین

بەرەی مقاوەمە: دوو ئامانجمان لە ئیسرائیل بۆردوومان کردووە

سەڵاح