ئاژانسی هەواڵی زاگرۆس

ئیسرائیل ڕێڕەوێکی پارێزراو بۆ فەلەستینییەکانی ڕەفەح دابین ده‌كات

 

 

سەرۆک وەزیری ئیسڕائیل بنیامین نەتانیاهو بەڵێنی ” ڕێڕەوێکی پارێزراو ” دەدات بە دەیان هەزاران فەلەستینی لە شاری ڕەفەحی باشووری غەززە، ئەمەش پێش دەستپێکردنی هێرشە زەمینییەکەی هێزەکانی ئیسڕائیل بۆ سەر شارەکە دژی چەکدارانی حەماس. بەڵام دیار نیە کە ئایا فەلەستینییە ئاوارەبووەکان بۆ کوێ دەڕۆن.

نەتانیاهو لە چاوپێککەوتنێکدا لەگەڵ پڕۆگرامی This Week ی کەناڵی ئەی بی سیدا جەختی لە نیازەکانی کردەوە بۆ فەرمانکردن بە هێزەکانی ئیسڕائیل بۆ هێرشکردنە سەر چوار فەوجی حەماس لە ڕەفەح، دەڵێت سەرکەوتن بەسەر حەماسدا لە غەززە ڕوونادات بەبێ پاککردنەوەیان لە ڕەفەحی سەر سنووری میسڕ.

زیاتر لە نیوەی دانیشتوانە 2.3 ملیۆنییەکەی غەززە هەڵاتوون بۆ ڕەفەح و لە پەناگە قەرەباڵغەکاندا گیرییان خواردووە. بەڵام نەتانیاهو وتی ” ئەنجامی دەدەین. ئەنجامی دەدەین و لە هەمان کاتیشدا ڕێڕەوێکی پارێزراو بۆ دانیشتوانی سڤیل دابین دەکەین تاوەکو بتوانن ئەوێ بەجێبهێڵن.”

کاتێک پرسیاری لێکرا سەبارەت بەوەی ئایا ئەو هەموو هاووڵاتییە فەلەستینییانەی کە لە خێمەکاندان لە ڕەفەح بۆ کوێ دەچن، نەتانیاهو وتی بەرپرسانی ئیسڕائیل ” کار لەسەر پلانێکی ورد دەکەن.”

 

voa

هەواڵی پەیوەندیدار

سبه‌ی مووچه‌ی ئه‌م توێژه‌ دابه‌ش ده‌كرێت

یاسین

وه‌زیری ده‌ره‌وه‌ی ئه‌مه‌ریكا گه‌یشته‌ سعودیه‌

سەڵاح

فراكسیۆنی پارتی بڕیاری قەدەغەكردنی ئاڵای كوردستانی لەسەر قوتابخانەكانی كەركووك ھەڵوەشاندەوە

hakar herki