لقی هەولێری سەندیکای هونەرمەندان بەهەماهەنگی بەڕێوەبەرایەتی هونەری شانۆ و بە هاوکاری پارێزگای هەولێر، لە رێورەسمێکدا، رۆژی جیهانیی شانۆ پیرۆز کرا.
هەر بەم بۆنەیەوە شـانـۆگەری “ئەوەم بەسـەر هـاتییە” لە نووسینی ئۆلیڤیە شیاتشاری و دەرهێنانی هونەرمەند هیوا سوعاد یونس نمایشکرا.
رێوڕەسمەکە رۆژی چوارشەممە بە ئامادەبوونی پارێزگاری هەولێر، بریکاری وەزارەتی رۆشنبیری و لاوان، بەڕێوەبەری گشتی رۆشنبیری و هونەری هەولێر، بەرپرسی رێکخراوە پیشەییەکان و بەڕێوەبەری هونەری شانۆ و ژمارەیەك لە هونەرمەندان و رۆشنبیران، لە هۆڵی میدیا لە هەولێر بەڕێوەچوو.
پاشان لەلایەن ئومێد خۆشناو، پارێزگاری هەولێر و ئامادەبووانەوە، لەبەرامبەر هەوڵ و ماندبوون و مێژووی کاری هونەرییان، بڕوانامەی رێزلێنان و چەپگەگوڵ پێشکەش بە هونەرمەندان خەلیل یابە و یوسف عوسمان کرا.
فۆتۆ: لانەنوزاد