ئاژانسی هەواڵی زاگرۆس

بریكاری وه‌زاره‌تی رۆشنبیری و لاوان سه‌ردانی كونسوڵخانه‌ی گشتیی ئه‌مه‌ریكای كرد

ئاریان سه‌لاحه‌دین، بریكاری وه‌زاره‌تی رۆشنبیری و لاوانی حكومه‌تی هه‌رێمی كوردستان رۆژی 25ـی ئازاری 2024، سه‌ردانی كونسوڵخانه‌ی گشتیی ویلایه‌ته‌ یه‌كگرتووه‌كانی ئه‌مه‌ریكای له‌ هه‌ولێری پایته‌خت كرد، به‌ مه‌به‌ستی دروستكردنی پردی په‌یوه‌ندی و هه‌ماهه‌نگی له‌ پێناو بره‌ودان به‌ كولتوور و هونه‌ر و قوڵتركردنه‌وه‌ی گیانی پێكه‌وه‌ژیان له‌ هه‌رێمی كوردستاندا.

له‌ دیدارێكدا له‌گه‌ڵ ستافی كونسوڵخانه‌كه‌ بریكاری وه‌زاره‌تی رۆشنبیری و لاوان باسی له‌ چوارچێوه‌ی ئه‌رك و به‌رپرسیارێتی یاسایی وه‌زاره‌تی رۆشنبیری ولاوان بۆ خزمه‌تی بواری كولتوور و فه‌رهه‌نگ و رۆشنبیری و هونه‌ر كرد.

هه‌روه‌ها گفتوگۆ له‌ باره‌ی میكانیزمی پێكه‌وه‌ كاركردن و هه‌ماهه‌نگی نێوان وه‌زاره‌تی رۆشنبیری و لاوانی حكومه‌تی هه‌رێمی كوردستان و كونسوڵخانه‌ی ئه‌مه‌ریكا كرا، له‌ پێناو پێشخستنی په‌یوه‌ندییه‌كان و كاری هاوبه‌ش له‌ داهاتوودا بۆ بره‌ودان به‌ بواره‌ رۆشنبیری و كولتورییه‌كان.

له‌ به‌رامبه‌ردا، ستافی كونسوڵخانه‌ی گشتیی ئه‌مه‌ریكا وێڕای نرخاندنی سه‌ردانی بریكاری وه‌زاره‌تی رۆشنبیری و لاوان ئاماده‌ییان بۆ پێشخستن و په‌ره‌پێدانی په‌یوه‌ندییه‌كانمان بۆ هه‌ماهه‌نگی زیاتر و سه‌رخستنی پڕۆژه‌ كولتووری و رۆشنبیرییه‌كان دووپاتكرده‌وه‌.

هەواڵی پەیوەندیدار

بە چاودێریی مه‌سرور بارزانی سێیەمین دیداری نێودەوڵەتیی هەولێر بۆ کاری ڕۆژنامەنووسیی به‌ڕێوه‌ده‌چێت

یاسین

داهاتی بەشی دووەمی “Dune” لە سینەماکانی جیهاندا

ART

فیلمی “Barbie” بەردەوامە لە بەدەستهێنانی داهات

ART