ئاژانسی هەواڵی زاگرۆس

راگری كۆلیژی كۆمپیوتەر لە زانكۆی بەسڕە سزادرا

ئەنجوومەنی باڵای دادوەری عێراق ئەمڕۆ یەكشەم بڕیاری سەپاندنی سزای بەسەر راگری كۆلیژی كۆمپیوتەر لە زانكۆی بەسڕە دەركرد بەهۆی ئەنجامدانی كاری ناپەسند و بەدڕەوشتی لەنێو نووسینگەكەی بەرامبەر بە یەكێك لە فەرمانبەرەكانی.

ئەنجوومەنی باڵای دادوەری بڵاوی كردەوە: دادگای تاوانەكانی بەسڕە بڕیاری دا سزای 15 ساڵ زیندانی بەسەر راگری كۆلیژی كۆمپیوتەر لە زانكۆی بەسڕە بسەپێنێ.

بڵاویشی كردەوە: بڕیارەكە بەگوێرەی بڕگەی ئەلیف لە ماددەی 132ی یاسای سزدانی عێراقی دەركراوە بەهۆی ئەوەی ئەو كارەی راگری كۆلیژەكە دوورە لە ئادابی گشتی و رەوشتی مامۆستایانی زانكۆ.

دوو مانگ بەر لە ئێستا لە تۆڕەكانی كۆمەڵایەتی ڤیدیۆی راگری كۆلیژی كۆمپیوتەری زانكۆی بەسڕە بڵاو بووەوە كە تێیدا دەردەكەوت لەنێو نووسینگەكەی كاری بەدڕەوشتی لەگەڵ ئافرەتێك دەكات، سەرەتا وا بڵاوكرابووەوە كە ئافرەتەكە یەكێكە لە قوتابییەكانی، بەڵام دواتر دەركەوت كە فەرمانبەرێكی كۆلیژەكەیە.

هەواڵی پەیوەندیدار

له‌ رۆژئاوای كوردستان ڕۆژنامه‌نووسێك رفێنرا

سەڵاح

بڕیارێكی دیكەی سەرۆكی حكوومەت بۆ بەرژەوەندیی هاووڵاتییان كەوتە بواری جێبەجێكردن

سەڵاح

ئەو بەرهەمانەی کە بۆ دابەزاندنی کێشی لەش بە ئۆنلاین دەفرۆشرێن ماددەیەکی مەترسیداریان تێدایە

یاسین