ئاژانسی هەواڵی زاگرۆس

هێزە ئەمنییەکانی ئێران کوردێکیان شەهید كرد

گەنجێکی خەڵکی شاری قوروە لە رۆژهەڵاتی کوردستان، بە تەقەی ڕاستەوخۆی هێزە ئەمنییەكانی کۆماری ئیسلامیی ئێران شەهید كرا.

ئەمڕۆ یەكشەممە 17/3/2024، ڕێكخراوی (هەنگاو) بۆ مافەكانی مرۆڤ بڵاوی كردەوە، ڕۆژی چوارشەممەی ڕابردوو 13/3/2024، حوسێن عەزیمی، گەنجێكی خەڵکی شاری قوروە لە کاتی دەمەقاڵێ لەگەڵ براکەی خۆی، بە تەقەی ڕاستەوخۆی یەکێک لە هێزە ئەمنییەکانی ئێران بە ناوی (عەبدولمەلەکی) شەهید كراوە.

ڕێكخراوەكە ئاشكراشی كردووە، حوسێن عەزیمی، دوای ئاگادارکردنەوە بۆ لابردنی چەکەکەی، لە کاتێکدا ویستوویەتی لەسەر زەوی پاڵ بکەوێ سەری پێکراوە و شەهید بووە.

ناوەندە ئەمنییەکانی ئێران هەڕەشەیان لە بنەماڵەی حوسێن عەزیمی کردووە کە بە هیچ شێوەیەك نابێت هەواڵی کوشتنی کوڕەکەیان بدەنە میدیاكان و هەربۆیەش هەواڵی شەهیدكردنی درەنگ گەیشتووەتە میدیاكانی ڕۆژهەڵاتی كوردستان.

هەواڵی پەیوەندیدار

پێنج كورسیی پێكهاته‌كان گه‌ڕێندرایه‌وه‌

یاسین

پەیاما پیرۆزباهیێ یا سەرۆكێ حکومەتا هەرێما کوردستانێ ب هەلكەفتا ساڵڤەگەڕا دامەزراندنا بنگەهێ لالش

دڵشاد

ئەنجوومەنی وەزیرانی عێراق كۆبوونەوەیەكی نائاسایی لەبارەی خشتەی بودجە 2024 دەكات

یاسین