ئاژانسی هەواڵی زاگرۆس

رێژەی زۆرترین باران بارین راگەیندرا

زۆرترین بڕى بارانبارین لە ماوەى 48 کاتژمێرى ڕابردوو لە شارەدێی زاويته‌ى‌ سنوورى پارێزگاى دهۆک تۆماركراوه‌ كه‌ 277 ملم بووە و، له‌ سه‌نته‌رى پارێزگای دهۆكيش 200 ملم باريووه.

به‌شى پێشبينى له‌ وەزارەتی گواستنەوە و گەیاندنى حكوومه‌تى هه‌رێمى كوردستان ئامارى بارانبارينى 48 کاتژمێرى ڕابردووی بڵاوکردەوە کە تیاییدا ئاماژە بەوەکراوە کە بڕی بارانبارین لە سەنتەری دهۆک 200 ملم، زاخۆ 96 ملم، شارەدێی کانی ماسی 202 ملم، شارەدێی سەرسەنگ 200 ملم و شارەدێی زاوێتە 277 ملم بووە.

لە وەرزى بارانبارینى ساڵى 2021-2022سەنتەرى پارێزگای دهۆک بە درێژاىی وەرزەکە، تەنها 249ملم بارانی لێ بارى، بەڵام ئه‌مساڵ تا ئێستا بڕی 669.2 ملم باران باريووه.

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانى دهۆكيش ئامارى بارانبارينى 24کاتژمێرى ڕابردوو بڵاوكردووته‌وه‌ كه‌ له‌ زاخۆ 66ملم، هەریەک لە شارەدێیەکانی، باتيفا 121ملم، ده‌ركار 97ملم, مانگێش138ملم, بامه‌رنێ 145ملم، قەزای ئامێدى 87 ملم، شارەدێی شێلادزێ 81 ملم، شارەدێی دێرەلووک 105ملم، شارەدێی چه‌مانكێ 138ملم، قەزای ئاكرێ 41 ملم، شارەدێی دينارته‌ 85.8ملم و، قەزای شێخان 38ملم باران باريووه‌.

به‌ هۆى ئه‌م شه‌پۆله‌ بارانه‌ى دوو ڕۆژه‌ هه‌رێمى گرتووته‌وه‌، لافاو لە چەندین گەڕەکی شاری دهۆک دروست بوو کە بووە هۆی گیانلەدەستدانی سێ کەس و برینداربوونی 11 کەسی دیکە، هاوکات 120 کەسیش لە لافاو ڕزگارکران.

بەپێی ئامارى بەڕێوەبەرایەتی گشتی گه‌شتوگوزارى دهۆک، دوێنى شه‌و 627 کەس لە هۆتێل و مۆتێلەکانی دهۆک نیشتەجێکراون و 160 خانووش زیانیان پێگەیشتووە، هاوکات 50 ئۆتۆمبێلیش هەر بەهۆی لافاوەکە زیانییان بەرکەوتووە

هەواڵی پەیوەندیدار

ده‌رماڵه‌یه‌ك بۆ ئه‌م توێژه‌ خه‌رج ده‌كرێت

یاسین

سیناتۆرێکی ئەمەریکی: دەبێت ئەمەریکا چەک بە کیێڤ بدات بۆ لەناوبردنی پردی کریمیا

یاسین

کەشى پێشبینیکراوى 48 کاتژمێرى داهاتوو

سەڵاح