جێگری سه‌رۆكی لیژنه‌ی نەوت و غاز و سامانە سروشتییەكان لە ئەنجومەنی نوێنەرانی عێراق رایگەیاند، کە هه‌ندێك كه‌س و لایه‌ن له‌ناو حكومه‌تی عێراق كار ده‌كه‌ن به ئامانجی لاوازكردن و له‌قالبدانی قه‌واره‌ی ده‌ستووری هه‌رێمی كوردستان، بۆیە پێویستە كورد بۆ رووبه‌ڕبوونه‌وه‌ی ئه‌و هه‌وڵانه ئاماده‌كاری و پلانی پێچه‌وانه‌ی هه‌بێت.
نەهرۆ مەحموود رەواندزی، جێگری سه‌رۆكی لیژنه‌ی نەوت و غاز و سامانە سروشتییەكان لە ئەنجومەنی نوێنەرانی عێراق، بە ئاژانسی هەواڵی زاگرۆسی راگەیاند: هه‌ندێك كه‌س و لایه‌ن له‌ناو حكومه‌تی عێراق كار ده‌كه‌ن به ئامانجی لاوازكردن و له‌قالبدانی قه‌واره‌ی ده‌ستووری هه‌رێمی كوردستان، بۆیە پێویستە كورد بۆ رووبه‌ڕبوونه‌وه‌ی ئه‌و هه‌وڵانه ئاماده‌كاری و پلانی پێچه‌وانه‌ی هه‌بێت، هه‌رێمی كوردستان به‌هۆی راگرتنی هه‌نارده‌كردنی نه‌وته‌وه زیانی به‌ركه‌وتووه و ئه‌و زیانبه‌ركه‌وتنه‌ش پلانی هه‌ندێك كه‌س و لایه‌نی عێراقه بۆ لاوازكردنی هه‌رێمی كوردستان.
جێگری سه‌رۆكی لیژنه‌ی نەوت و غاز و سامانە سروشتییەكان لە ئەنجومەنی نوێنەرانی عێراق گووتی: سكاڵام پێشكه‌ش به دادگای فیدراڵی كردووه سه‌باره‌ت به جیاوازی نرخی نه‌وت و به‌نزین له‌نێوان عێراق و هه‌رێمی كوردستان، دادگا 31ـی ئه‌م مانگه سه‌باره‌ت به‌و سكاڵایه كۆده‌بێته‌وه, هه‌ندێك كه‌س و لایه‌نی ناو حكومه‌تی عێراق زانیاریی چه‌واشه‌كارانه و نادروست ده‌ده‌نه دادگای فیدراڵی، بۆیه ئه‌و دادگایه هه‌ندێك جار له‌سه‌ر بنه‌مای ئه‌و زانیارییە هه‌ڵانه بڕیاری ناڕاست له‌باره‌ی هه‌رێمی كوردستان ده‌رده‌كات.
هەروەها نەهرۆ مەحموود رەواندزی، جێگری سه‌رۆكی لیژنه‌ی نەوت و غاز و سامانە سروشتییەكان لە ئەنجومەنی نوێنەرانی عێراق، بە ئاژانسی هەواڵی زاگرۆس خستەروو، کە ره‌شنووسی یاسای نه‌وت و غاز تا ئێستا به‌هۆی یه‌كنه‌بوونی ناو ماڵی سیاسی عێراقی ئاماده‌نه‌كراوه و ره‌وانه‌ی په‌رله‌مان نه‌كراوه.
رێباز یونس