ئاژانسی هەواڵی زاگرۆس

ئاگادارییەک لە بەڕێوەبەرایەتی ئەوقافی هەولێر

بەڕێوەبەرایەتی ئەوقافی هەولێر داوای لە هاووڵاتییان كرد لە كاتی بینینی فێڵكردن بە ناوی ئەنجامدانی نوشتە و جادوو و دەركردنی جنۆكە و هەروەها فرۆشتنی شتەوە، زانیارییان پێ بدەن بۆ ئەوەی رێكاری یاسایی بەرامبەر تۆمەتباران بگرنە بەر.

بەڕێوەبەرایەتییەكە لە ئاگادارییەكدا رایگەیاند: بەپێی ڕێنمایی وەزارەتی ئەوقاف و کاروباری ئایینی، ئەنجامدانی ئەم کارانەی خوارەوە دەچێتە خانەی فێڵکردن و سزای یاسایی لەسەرە:-

یەکەم: بەکارھێنانی دەستەواژەی شێخ، مەلا، قەشە، بانگخواز، پزیشکی ئایینی و ھاوشێوەکانی .

دووەم: دروستکردنی نوشتە، جادوو و دەرکردنی جنۆکە.

سێیەم:  فرۆشتنی گیادەرمان، خۆراک و خواردنەوە، گۆڵاو،ھەنگوین، ڕەشکە و شتی تر بەناوی چارەسەری پزیشکی ئایینی.

بەڕێوەبەرایەتی ئەوقافی هەولێر داواشی لە ھاووڵاتییان كرد لە كاتی بینینی ئەم سەرپێچییانەی خوارەوە، زانیارییان پێ بدەن وەک ئەرکێکی ئایینی و نیشتمانی و بەڵگەکانیش بنێرن.

دڵنیاییشی دا بە هاووڵاتییان كە لە كاتی پەیوەندی و ناردنی زانیارییەكاندا ناوی ھەموو کەسێک پارێزراو دەبێت.

هەواڵی پەیوەندیدار

سه‌رۆكى هه‌رێمى كوردستان پێشوازى له‌ كونسولى گشتيى توركيا كرد

یاسین

نێچيرڤان بارزانى پێشوازى له‌ باڵيۆزى نوێى كه‌نه‌دا له‌ عێراق كرد

دڵشاد

دەستەی سەربەخۆی مافی مرۆڤ ئیدانەی هەڵسوکەوت و توندوتیژییەکانی دەزگا ئەمنیەکانی سلێمانی دەکات بەرامبەر خۆپشاندەران و رۆژنامەنوسان

دڵشاد