ئاژانسی هەواڵی زاگرۆس

پرێمەرلیگ.. چێڵسی لەنێو خاکی خۆی گۆڵبارانی وێستهامی کرد

لە درێژەی یارییەکانی هەفتەی 36 خولی ئینگلتەرا، یانەی چێڵسی لە یاریگای خۆیدا میوانداری وێستهامی کرد.

 

لە کۆتاییدا شین پۆشەکانی لەندەن توانیان گۆڵبارانی وێستهام بکات و بە پێنج گۆڵی بێبەرامبەر یارییەکە ببەنەوە.

 

هەر لە تایمی یەکەمدا چێڵسی بە ئاستێکی بەرز دەرکەوتن و بە تەواوی کۆنترۆڵی یارییەکەیان کرد، توانیان لەو تایمەدا سێ گۆڵ لە خولەکەکانی 15 و 30 و 36 لەڕێگەی یاریزانان پاڵمەر و گالاگێر و مادویکیەوە تۆماربکەن و ئەو تایمەش بەو ئەنجامە کۆتایی پێهات.

 

لە تایمی دووەم یانەی بلۆز بە هەمان ئاست و توانا گەڕانەوە نێو یاریگا و لە خولەکی 48دا یاریزان جاکسۆن گۆڵی چوارەمی یانەکە تۆمارکرد، هەمان یاریزان لە خولەکی 80 کۆتایی بە کەرنەڤاڵی گۆڵکردن هێنا کاتێک گۆڵی پێنجەمی یانەکەی تۆمارکرد.

 

بەم سەرکەوتنە، یانەی چێڵسی بووە خاوەنی 54 خاڵ و لە پلەی حەوتەمی ڕیزبەندی دێت، وێستهامیش 49 خاڵی هەیە لە پلەی نۆیەم.

هەواڵی پەیوەندیدار

وەزیری دارایی عێراق: مووچە بۆ ئەمساڵ زامنکراوە و بەپێی لیست مووچە خەرج دەکەن

سەڵاح

عێراق لەڕووی سیستەمی تەندروستییەوە زۆر خراپە

سەڵاح

ئاسایشی هەولێر دەست بەسەر بڕێکی زۆر دەرمانی پزیشکی و پاکەتی جگەرە دادەگرێت

یاسین