ئاژانسی هەواڵی زاگرۆس

سه‌رۆك نێچيرڤان بارزانى: هه‌رێمى كوردستان هه‌ميشه‌ فاكته‌رى سه‌قامگيرى ده‌بێت

 

له‌ درێژه‌ى به‌رنامه‌ى سه‌ردانه‌ فه‌رمييه‌كه‌يدا بۆ كۆمارى ئيسلاميى ئێران، ئيواره‌ى ئه‌مڕۆ دووشه‌ممه‌ 2024/4/6 به‌ڕێز نێچيرڤان بارزانى، سه‌رۆكى هه‌رێمى كوردستان و شاندى ياوه‌رى، له‌ تاران له‌گه‌ڵ به‌ڕێز عه‌لى ئه‌كبه‌ر ئه‌حمه‌ديان، ئه‌ميندارى ئه‌نجومه‌نى باڵاى ئاسايشى نيشتمانيى ئێران، كۆبوونه‌وه‌.

له‌ كۆبوونه‌وه‌كه‌دا ده‌رباره‌ى دۆخى ئه‌منى و هاريكارى و هه‌ماهه‌نگيى كۆمارى ئيسلاميى ئێران و عێراق و هه‌رێمى كوردستان بۆ پاراستنى ئارامى و سه‌قامگيرى، مه‌ترسييه‌ ئه‌منييه‌كانى ناوچه‌كه‌ و كاريگه‌رى و لێكه‌وته‌كانيان، بيروڕايان گۆڕييه‌وه‌.

هه‌ردوولا جه‌ختيان له‌ هاريكاريى هاوبه‌ش و هه‌ماهه‌نگيى لايه‌نه‌ په‌يوه‌نديداره‌كانى هه‌ردوو وڵات له‌پێناو ئارامى و ئاسايشدا كرده‌وه‌ و هاوڕا بوون له‌سه‌ر گرنگيى ڕێگرتن له‌ په‌ره‌سه‌ندنى ئاڵۆزييه‌كان و به‌دوورگرتنى ناوچه‌كه‌ له‌ پشێويى زياتر.

له‌ كۆبوونه‌وه‌كه‌دا به‌ڕێز ئه‌حمه‌ديان به‌رده‌واميى پشتگيريى وڵاته‌كه‌ى بۆ عێراق به‌ هه‌رێمى كورستانه‌وه‌ ده‌ربڕى، سه‌رۆك نێچيرڤان بارزانيش دووپاتى كرده‌وه‌ كه‌ هه‌رێمى كوردستان وه‌ك هه‌ميشه‌ فاكته‌ر‌ى ئارامى و سه‌قامگيرى ده‌بێت له‌ ناوچه‌كه‌دا‌ و بۆ هيچ لايه‌نێك نابێته‌ هه‌ڕه‌شه‌.

No description available.

No description available.

No description available.

هەواڵی پەیوەندیدار

زیاتر لە یەک ملیار و 300 ملیۆن دینار پێشکەش بە زیان لێکەوتووانی لافاوەکەی دهۆک کرا

یاسین

بە هۆی هەورە بروسکەوە پێشمەرگەیەک گیانی لەدەستدا

دڵشاد

به‌سره‌… بارهه‌ڵگرێك كۆمه‌ڵێك قوتابی شێلا به‌هۆیه‌وه‌ شه‌ش قوتابی گیانیان له‌ده‌ستدا و هه‌شتی دیكه‌ش بریندار بوون

سەڵاح