ئاژانسی هەواڵی زاگرۆس

ڕووداوی کەوتنەخوارەوەی کۆپتەری هەڵگری ڕەئیسی دانووستانی ئەتۆمیی ئێرانی وەستاندووە

ڕافائیل گڕۆسی، بەڕێوەبەری گشتیی ئاژانسی نێودەوڵەتیی وزەی ئەتۆمی دەڵێت، بەهۆی کۆچی دواییی سەرۆککۆمار و وەزیری دەرەوەی ئێرانەوە دانوستانەکانی نێوان ئێران و ئاژانس ڕاگیراون.
گڕۆسی لە کۆبوونەوەی ئاژانس لە هێلسینکی ئاماژەی بەوە داوە، ئێستا ئێران لە دۆخی ماتەمینیدایە و دەبێ ئێمەش ڕێز لەو دۆخە بگرین، بەڵام دوای ڕێوڕەسمەکانی ماتەمینی دەبێ دووبارە هەوڵ بدەین ئێران دەست بە هاوکارییەکانی لەگەڵ ئاژانس بکاتەوە.
گڕۆسی ڕۆژی ٦ی ئایار سەردانی ئێرانی کرد و لەگەڵ بەرپرسانی ئەو وڵاتە سەبارەت بە هاوکارییەکانی وڵاتەکە لەگەڵ ئاژانس دانوستانی کرد و لە گەڕانەوەیدا ڕایگەیاند، لەگەڵ ئێران لە تێگەیشتنێکی هاوبەش نزیک بوونەتەوە.
بەڕێوەبەری ئاژانسی وزەی ئەتۆمی گوت: لەگەڵ ئێران لە سێ بواردا کێشەیان هەیە کە بریتین لە پشکنینی ناوەندە ئەتۆمییەکانی ئەو وڵاتە، پاشماوەی بابەتەکان و ئەو هەنگاوانەی دەبێت ئێران بیانگرێتە بەر.

هەواڵی پەیوەندیدار

ماڵپەڕی ئاژانسی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات 4

hakar herki

لالیگا.. ریال مەدرید سەرەڕای بوون بە پاڵەوان بەردەوامە لە سەرکەوتنەکانی

sirwan

لیستی مووچە رەوانەی بەغدا دەکرێت

یاسین