ئاژانسی هەواڵی زاگرۆس

چوار تۆمه‌تبار له‌سه‌ر دزیكردن ده‌ستگیركران

 

له‌هه‌ڵمه‌تێكی‌ مه‌فره‌زه‌كانی‌ بنكه‌ی‌ پۆلیسی‌ ده‌ربه‌ندیخان چوار تۆمه‌تبار ده‌ستگیركران كه‌ به‌نیازبون له‌قه‌زای‌ ده‌ربه‌ندیخان دزیی‌ بكه‌ن‌و دانیان به‌تاوانه‌كه‌یاندا ناوه‌.

له‌ راگه‌یه‌ندراوێكدا به‌ڕێوه‌به‌رایه‌تی پۆلیسی پارێزگای سلێمانی بڵاویكرده‌وه‌، دوای‌ ئه‌وه‌ی‌ هێزه‌كانی‌ پۆلیس چاودێرییان خسته‌ سه‌ر چوار تۆمه‌تبار كه‌ به‌نیازی‌ دزیكردن چوبونه‌ قه‌زای‌ ده‌ربه‌ندیخان، له‌هه‌ڵمه‌تێكی‌ مه‌فره‌زه‌كانی‌ بنكه‌ی‌ پۆلیسی‌ ده‌ربه‌ندیخاندا توانرا هه‌ر چوار تۆمه‌تباره‌كه‌ ده‌ستگیربكرێن.

پۆلیس ئاماژه‌ی به‌وه‌ش داوه‌، له‌لێكۆڵینه‌وه‌كانی‌ پۆلیسدا تۆمه‌تباران دانیان به‌وه‌دانا كه‌ به‌مه‌به‌ستی‌ دزینی‌ ماتۆڕسكیل چونه‌ته‌ قه‌زاكه‌و له‌كاتی‌ ده‌ستگیركردنیاندا ده‌ستگیرا به‌سه‌ر ماتۆڕسكیلێكدا.

له‌ به‌شێكی دیكه‌ی راگه‌یه‌ندراوه‌كه‌ی پۆلیسی سلێمانییدا هاتووه‌، له‌ئێستادا تۆمه‌تباران (د، یـ، ع – ع، چ، ج – د، ج، س – أ، ع، م) به‌بڕیاری‌  دادوه‌رو به‌پێی‌ مادده‌ی‌ 443 له‌یاسای‌ سزادان ڕاگیراون‌و لێكۆڵینه‌وه‌كان به‌رده‌وامه‌.

هەواڵی پەیوەندیدار

پەیامی تۆنی کرۆسی دوای بڕیاری وازهێنانی لە ڕیاڵ مەدرید

sirwan

لە سەرەتای ساڵی ٢٠٢٤ەوە تورکیا ٤٦٧ پەنابەری سووریای دیپۆرت کردووەتەوە

سەڵاح

بەتۆمەتی سووتاندنی بازاڕی لەنگە سێ کەس دەستگیر دەکرێن

یاسین