ئاژانسی هەواڵی زاگرۆس

ئه‌مه‌ریكا… فڕۆکەیەکی F-35 تێکشکا

 

فڕۆکەیەکی “F-35″لە ویلایەتی نیو مەکسیکۆ ڕۆژئاوای ئەمریکا تێکشکا کە بەھۆیەوە فڕۆکەوانی فڕۆکەکە بەسەختی برینداربوو.

کۆمپانیای پیشەسازی سەربازیی ئەمریکی “Lockheed Martin” لە ڕاگەیاندراوێکدا ئاماژەی بەوەکردووە کە فڕۆکەکە لە ویلایەتی تێکساس هەڵفڕیبوو بەرەو ویلایەتی کالیفۆڕنیا بەڵام بەر لە تەواوبوونی گەشتەکەی لە ویلایەتی نیو مەکسیکۆ تێکشاوە.

ڕاشیگەیاندووە، تێکشکانەکە لە کاتێکدا بووە کە فڕۆکەکە بە مەبەستی تێکردنی بەنزین لە بنکەی ھێزی ئاسمانی کریت لاند لە ویلایەتی نیو مەکسیکۆ نیشتووەتەوە و دوای تێکردنی بەنزین، فڕۆکەکە ویستوویەتی لە گەشتەکەی بەردەوام بێت بەڵام دوای فڕینی بە ماوەیەکی کەم، لە نزیک فڕۆکەخانەی نێودەوڵەتی ئەلبوکێرکی لە ویلایەتی نیو مەکسیکۆ تێکشکاوە

باسی لەوەشکردووە کە بەھۆی ڕووداوەکەوە، فڕۆکەوانەکە بە سەختی برینداربووە کە دواتر لەلایەن تیمەکانی فریاکەوتنەوە بەمەبەستی وەرگرتنی چارەسەر گواستراوەتەوە بۆ نەخۆشخانە.

لە ڕاگەیاندراوکەدا، زانیاری لەبارەی ھۆکاری تێکشکانی فڕۆکەکە نەخراوەتەڕوو.

 

هەواڵی پەیوەندیدار

قۆناخی دووهەمی هەڵبژاردنی مەجلیسی ئێران ١٠ ئایار بەڕێوە دەچێت

یاسین

پوتن سه‌ردانی كۆریای باكووری كرد، بەڵێنی دا پشتیوانی لەم وڵاته‌ دژی ئەمەریکا بكات

سەڵاح

ئیسپانیا بڕیاریدا بە فەرمی دان بە دەوڵەتی فەلەستیندا بنێت

سەڵاح