ئاژانسی هەواڵی زاگرۆس

نیکی هیلی له‌ ركابه‌ری تره‌مپ پاشەكشەی کرد

 

نیکی هیلی، ركابه‌ری دۆنالد ترەمپ لە کێبڕکێی نێو پارتی کۆماریخوازانی ئەمریکا کشایەوە و نوێنەرایەتیی ئەم پارتەی بۆ ترەمپ جێهێشت.

هیلی، لە کێبڕکێی “سێشەممەی گەورە”دا لە زۆرینەی ویلایەتەکانی ئەمریکا بەرانبەر ترمپدا سەرنەکەوت.

سەرچاوەیەکی ئاگەدار لە کاروباری هەڵبژاردنی نیکی هیلی رۆژی چوارشەممە ٦ی ئادار به ئاژانسی هەواڵی ڕۆیتەرزی ڕاگەیاند، هیلی لە کێبڕكێی سەرۆک‌کۆماری کشاوەتەوە.

بەم‌ جۆرە دۆنالد ترەمپ جارێکی دیکە وەک نوێنەری کۆماریخوازان لە بەرانبەر “جۆو بایدن”ی سەرۆک‌کۆماری ئێستا و نوێنەری دیموکراتەکانی ئەمریکادا دەوەستێتەوە.

نیکی هیلی لە سەردەمی سەرۆکایەتیی ترەمپدا لە ڕێکخراوی نەتەوە یەکگرتووەکان نوێنەری  ئەمریکا بوو.

ئێستا دو پارتی سەرەکیی ئەمریکا واتە دیموکرات و کۆماریخوازان بە پێی دەنگی دەنگدەرانی نێو پارتەکانیان لەسەر بەربژێرکردنی کۆتایی دۆنالد ترەمپ و جۆو بایدن ساغ بوونەتەوە.

هەواڵی پەیوەندیدار

سەرۆك بارزانی پێشوازی لە باڵیۆزی بریتانیا لە عێراق دەكات

یاسین

ڕووسیا: سەرکردەکانی ئەمەریکا، فەرەنسا، بەریتانیا و ئەڵمانیا بە هاوبەشی هێرشەکەی کرۆکۆس دەزانێت

یاسین

تاکە کێشەی بەردەم ھەناردەکردنەوەی نەوتی ھەرێم بۆ دەرەوە چارەسەرکرا

یاسین