ئاژانسی هەواڵی زاگرۆس

لە ساڵیادی سەرهەڵدانی ئاكرێ، ژمارەیەك پرۆژەی نوێ لەم شاره‌ جێبه‌جێ ده‌كرێن

 

لە ساڵیادی سەرهەڵدانی ئاكرێ، كۆمەڵێك پرۆژەی نوێ لەسەر بودجەی حكومەتی هەرێمی كوردستان لە شاری ئاكرێ بە گوژمەی 6 ملیار و 873 ملیۆن دینار ڕاگەیەندران.

پرۆژەكان زیاتر ڕێگەوبان و شەقامەكان دەگرێتەوە. وەكوو: قیركردن و نۆژەنكردنەوەی چەند شەقامێكی ناوخۆیی لە گەڕەكە نوێیەكانی ئاكرێ بە درێژایی 3 كلیۆمەتر و 465 مەتر، كۆنكرێتكردن و نوێكردنەوەی چەندین شەقامی ناوخۆیی بە درێژایی زیاتر لە 3 كیلۆمەتر، قیركردنی شەقامەكانی قوتابخانەی گەڕەكی دەواجن و قوتابخانەی بیكەسەر، هەروەها كۆنكرێتكردنی شەقامی گەرەكی شەڤیلكا، قیركردن و نۆژەنكردنەوەی چەندین شەقامی دیكە وەكوو تاقی، خرگا، زانكۆ، وستایا، سارفی، ئالایێ، گۆلان، نەوروز، ڕۆناهی، سماقوک، کۆچینا مەلا فەرزووی، كۆمەڵگەی فەرمانگەكان و قیركردن و نوێكردنەوەی شەقامەكانی 11 ی ئادار.

زۆربەی پرۆژەكان لە ڕێگەی كۆمپانیا نێوخۆییەكانەوە جێبەجێ دەكرێن و لە ماوەی دیاریكراودا پێویستە پرۆژەكان تەواو بكرێن.

حكومەتی هەرێمی كوردستان سەرباری كێشە داراییە بەردەوامەكانی و گوشارەكانی سەری، لە پێشكەشكردنی خزمەتگوزارییەكان بۆ شار و شارۆچكەكان بەردەوامە.

 

هەواڵی پەیوەندیدار

نرخی نەوت زیاتر بەرزبووەوە

سەڵاح

باران بارین دەست پێدەکاتەوە

یاسین

پرسەنامەیەک لە سەرۆکی حکومەتی هەرێمی کوردستانەوە

یاسین