ب هەلکەڤتا 33 سالڤەگەرا سەرهەلدانا خەلکێ باژێرێ دهۆکێ لقێ ئێك یێ پارتی دیموکراتی کوردستان پەیامەکا پیرۆزباهیێ بەلاڤکر و ڕاگەهاندیە،”خەلکێ سەرهەلدایێ دهۆکێ و سێمێلێ، پشتی چەندین سالێن ستەم و زۆرداری و بندەستیێ، ب خوینا زەڵال یا 17 شەهیدێن دلێر، باژێڕێ خوە ئازاد کر و پێکڤە ب بلندکرنا وێنێ بارزانیێ نەمر، گۆڤەندا سەرکەفتێ و ئازادیێ گێڕا و لاپەرەکێ دی یێ زێڕین د دیرۆکا خەبات و بەرخۆدانا خۆ خەملاند.”
دەقێ بروسکەیا لقێ ئێک یێ پارتی دیموکراتی کوردستان:
برووسکا پیرۆزباهیا لقێ ئێكی پارتی دیموکراتی کوردستان ل ٣٣ مین سالڤەگەرا سەرهەلدانا باژێڕێ دهۆکێ و سێمێلێ
سەرهەلدان شێواز و قۆناغا خەبات و شۆڕشا هەر گەل و نەتەوەیەکی یە، ژ بۆ ب دەستڤەئینان و بنەجهکرنا ئارماناجان و رزگارکرنا گەل و وەڵاتی ژ ژێردەستی و داگیرکەریا دوژمنان.
خەلکێ شەرەفمەندێ دهۆکا لاندکا شەهید و شۆڕشگێڕان و خەلکێ سێمێلا خۆراگر، ل رۆژەکا وەکی ئەڤرۆ ل 14 ئادارا ساڵا 1991، ژ پێخەمەت وێ ئارمانجا پیرۆز، ب پشتەڤانیا هێزێن پێشمەرگەیێن قەهرەمان، ب ئێك دل ب ئێك دەست، رابوو سەرخۆ و بڕیارا ڕامالینا دوژمنێ داگیرکەر و دار و دەستەکێن وی و دەزگەهێن وی یێن زۆرداریێ دا.
د وێ ڕۆژا پیرۆز دا، کو هەڤدەمە دگەل رۆژا ژدایكبوونا بابێ رۆحیێ نەتەوا کورد بارزانیێ نەمر، خەلکێ سەرهەلدایێ دهۆکێ و سێمێلێ، پشتی چەندین سالێن ستەم و زۆرداری و بندەستیێ، ب خوینا زەڵال یا 17 شەهیدێن دلێر، باژێڕێ خوە ئازاد کر و پێکڤە ب بلندکرنا وێنێ بارزانیێ نەمر، گۆڤەندا سەرکەفتێ و ئازادیێ گێڕا و لاپەرەکێ دی یێ زێڕین د دیرووکا خەبات و بەرخودانا خوە خەملاند.
د ئەڤێ بیرەوەریا دیرۆکی دا، سەرێ ڕێز و نەوازشێ بۆ شەهیدێن سەرهەلدانا پیرۆز یا باژێرێ دهۆکێ و سێمێلێ و تەڤایا شەهیدێن کوردستانێ و سەر کاروانێ شەهیدان بارزانیێ نەمر و کاك ئیدریسێ جانەمەرگ دچەمینین.
هزار سلاڤ ل 33 مین ساڵڤەگەڕا سەرهەلدانا دهۆکا پێشەنگا قۆربانی و خەباتێ.
سلاڤ ل گیانێ پاکێ شەهیدێن کورد و کوردستانێ و شەهیدێن سەرهلدانێ و سەروەرێ هەمی شەهیدان بارزانیێ نەمر.
سلاڤ ل پێشمەرگێن قارەمان و خەلکێ شەرەفمەندێ دهۆکێ و سێمێلێ
هزار سلاڤ ل خەلکێ شەرەفمەندێ باژێڕێ دهۆکێ.
هەر بەرز و بلندبیت ئالایێ پیرۆزێ کوردستانێ
پارتی دیموکراتی کوردستان-لقێ ئێك
14/3/2024