ئاژانسی هەواڵی زاگرۆس

ژماره‌یه‌ك کۆچبەری نایاسایی لە سەیدسادق دەستگیرکران

 

بەڕێوەبەرایەتی پۆلیسی پارێزگای سلێمانی لە بەیاننامەیەکدا ڕایگەیاند، دوای ئەوەی زانیاری گەیشتە دەست هێزەکانی پۆلیس کە 10 کۆچبەری نایاسایی بەڕەگەز ئەفغانی هاتونەتە سنووری قەزای سەیدسادق، لەهەڵمەتێکدا مەفرەزەکانی نوسینگەی نەهێشتنی تاوانی سەیدسادقی سەر بەبەشی پۆلیسی سەیدسادق توانیان سەرجەمیان دەستگیر بکەن.

پۆلیسی پارێزگای سلێمانی وتیشی، لەکاتی لێکۆڵینەوەکاندا کۆچبەرەکان دانیان بەوەدانا کە بەنایاسایی لە ئێرانەوە هاتونەتە هەرێمی کوردستان و بەنیاز بوون بچنە شارەکانی ناوەڕاست و باشووری عێراق.

ئه‌وه‌شی خسته‌روو، لەئێستادا پەڕاوی لێکۆڵینەوەیان بۆ کراوەتەو بەبڕیاری دادوەرو بەپێی ماددەی 39 لەیاسای نشینگە ڕاگیراون و لێکۆڵینەوەکان بەردەوامە.

هەواڵی پەیوەندیدار

شاخه‌وان عه‌بدوڵا: هیچ به‌هانه‌یه‌ك بۆ نه‌ناردنی مووچه‌ و شایسته‌ داراییه‌كانی هه‌رێم نه‌ماوه‌

سەڵاح

زیاتر له‌ 250 کەس لە خەڵکی دێرەزۆر کەمپی هۆل جێ‌دەهێڵن

سەڵاح

نرخی نەوت لە بازاڕەکانی جیهاندا بەرزبونەوەی تۆمارکرد

سەڵاح