ئاژانسی هەواڵی زاگرۆس

هونەرمەندێکی ڕاپەری ئێرانی لە لایەن دادگای شۆڕشی ئەم وڵاتەوە سزای لەسێدارەدانی بەسەردا سەپا

 

تومانج ساڵحی ساڵی رابردوو و لە کاتی شۆڕشی ژن ژیان ئازادی لە ئێران بە هۆی پشتیوانیکردنی لە خۆپێشاندانەکان و بڵاو کردنەوەی چەندین گۆرانی سەبارەت بە کێشەکانی کۆمەڵگای ئێران دەستبەسەر کرا.

دەزگا ئەمنییەکانی کۆماری ئیسلامیی ئیران ئەم هونەرمەندەیان بە هاندانی هاووڵاتیان بۆ توندوتیژی، بڵاو کردنەوەی زانیاریی ناڕاست، تێکدانی دۆخی گشتیی کۆمەڵگا، پەیوەندی لەگەڵ وڵاتانی دوژمن و سووکایەتیکردنی بە ڕێبەری کۆماری ئیسلامیی ئیران تۆمەتبار کردووە.

ئەم هونەرمەندە ساڵی ڕابردوو لە لایەن دادگای شۆڕشی ئیسفەهانەوە سزای شەش ساڵ و سێ مانگ زیندانی بۆ بڕابووەوە بەڵام بڕیارەکەی دادگا لە لایەن دیوانی باڵای دادوەرییەوە هەڵوەشابووەوە. سەرەڕای بڕیارەکەی دیوانی باڵای دادوەری سەبارەت بە بێتاوان بوونی تووماج ساڵحی، دادگای شۆڕشی ئیسفەهان ئەمجارە سزای سێدارەی بەسەر ئەم هونەرمەندەدا سەپاندووە.

هەواڵی پەیوەندیدار

راگەیندراوێک لە وەزارەتی خوێندنی باڵا و توێژینەوەی زانستی

یاسین

لە ئێران لە ماوه‌ی پشووی نەورۆزدا رۆژانە ٤٢ کەس گیانیان لە دەست داوە

سەڵاح

نەتانیاهو: بۆ په‌سه‌ندكردنی پلانی هێرشکردنە سەر رەفەح له‌گه‌ڵ كابینه‌كه‌ی كۆده‌بێته‌وه‌

سەڵاح