ئاژانسی هەواڵی زاگرۆس

سەرۆك بارزانی پێشوازی لە شاندێكی خوێندنی باڵا و زانكۆكانی ئەردەن دەكات

ڕۆژی دووشەممە 6ی ئایاری 2024 لە سەلاحەددین سەرۆك مەسعود بارزانی پێشوازی لە شاندێكی خوێندنی باڵا و زانكۆكانی ئەردەن كرد كە پێكهاتبوو لە دكتۆر مەئمون ئەلدوبعی جێگری وەزیری خوێندنی باڵای ئەردەن و سەرۆكەكانی نۆ زانكۆی ئەو وڵاتە و هەروەها بەڕێز فواد ئەلمەجالی كونسوڵی گشتیی ئەردەن لە هەولێر.

لە دیدارەكەدا شاندی میوان ڕۆڵی سەرۆك بارزانیان لە پڕۆسەی سیاسیی هەرێمی كوردستان و عێراق و قووڵتركردنی فەرهەنگی پێكەوەژیان و گەشەسەندنی هەرێمی كوردستان بەرز نرخاند و وێڕای جەختكردنەوە لە دۆستایەتی و پەیوەندییە مێژووییەكانی نێوان ئەردەن و گەلی كوردستان ئامادەیی خۆیان بۆ پەرەپێدانی پەیوەندیی ئاكادیمی و هاوكاری و هەماهەنگیی نێوان زانكۆكانی هەردوولا دەربڕی.

هەر لەو دیدارەدا سەرۆك بارزانی ئاماژەی بە پەیوەندییە مێژووییەكانی نێوان گەلی كوردستان و شانشینی ئەردەن دا و سوپاسی شا عەبدوڵڵا پادشا و حكوومەت و گەلی ئەردەنی كرد كە لە قۆناغە جۆراوجۆرەكاندا هاوسۆز و یارمەتیدەری گەلی كوردستان بوونە. جەختیشی لە قووڵتركردنی پەیوەندی و دۆستایەتیی نێوان هەردوولا لە بوارە جۆراوجۆرەكاندا كردەوە.

 

هەواڵی پەیوەندیدار

بەگوژمەی زیاتر لە (2 ملیار دینار) پرۆژەی دروستكردنی (118 شەقام) لە ناوچەی پەرەپێدانی نزیک گوندی پیڕەش جێبەجێ دەكرێت

دڵشاد

گوته‌بێژی سه‌رۆكایه‌تیی هه‌رێم: سه‌ردانی ئه‌ردۆغان بۆ هه‌ولێر ئاماژه‌ی زیندوویه‌تیی هه‌رێمی كوردستان و ڕۆڵی كارایه‌تی له‌ پرۆسه‌ی سیاسی

یاسین

راگەیندراوێک لە وەزارەتی دارایی و ئابوورییەوە

یاسین