ئاژانسی هەواڵی زاگرۆس

مەسرور بارزانی له‌گه‌ڵ كونسولى گشتیی به‌ريتانيا دوایین پێشهاتەکانی تاوتوێ کرد

 

 

سه‌رۆكوەزیران مەسرور بارزانی پێشوازى له‌ كونسوڵى گشتيى نوێى به‌ريتانيا له‌ هه‌رێمى كوردستان كرد و، دوایین گۆڕانکاری و پێشهاتەکانی عێراق و ناوچەكه‌یان تاوتوێ کرد.

ئه‌مڕۆ سێشەممە، 06-02-2024، مەسرور بارزانى، سه‌رۆكى حکومەتی هه‌رێمى كوردستان، پێشوازى له‌ جەیمس گۆڵدمان، كونسوڵى گشتيى نوێى به‌ريتانيا له‌ هه‌رێمى كوردستان كرد.

بەگوێرەی راگەیەندراوی حکومەتی هەرێمی کوردستان، “سه‌رۆكی حکومەت پيرۆزبايى دەستبەکاربوونی لە کونسولی گشتی کرد و هيواى سه‌ركه‌وتنى بۆ خواست و پشتیوانیی حکومەتی هەرێمی کوردستانی دەربڕی لەپێناو پەرەپێدانی زیاتری پەیوەندیى دوولایەنە”.

وەکو ئەوەی لە راگەیەندراوەکەدا هاتووە، “كونسوڵى گشتيى به‌ريتانيا، سوپاسی هاریکاری و هاوئاهەنگیی دامەزراوەکانی حکومەتی هەرێمی کوردستانی کرد و ئامادەییى وڵاتەکەی بۆ بەهێزترکردنی پەیوەندی لەگەڵ هەرێمی کوردستان دووپات کردەوە”.

لە بەشێکی دیکەی دیدارەکەدا، دوایین گۆڕانکاری و پێشهاتەکانی عێراق و ناوچەكه‌ و گرنگیی دابینکردن و پاراستنی مافە دەستوورییەکانی هەرێمی کوردستان تاوتوێ کرا.

 

 

هەواڵی پەیوەندیدار

ماڵپەڕی ئاژانسی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات 4

hakar herki

باران بارین به‌رده‌وام ده‌بێت

یاسین

هه‌ولێر … سێهه‌مین كۆنگره‌ی پارتی گه‌لی توركمان به‌رێوه‌چوو

دڵشاد