ئاژانسی هەواڵی زاگرۆس

سەرۆك بارزانی پێشوازی لە وەزیری بەرگریی توركیا دەكات

ڕۆژی چوارشەممە 7ی شوباتی 2024 لە سەلاحەددین سەرۆك مەسعود بارزانی پێشوازی لە بەڕێز یاشار گولەر وەزیری بەرگریی توركیا و شاندێكی یاوەری كرد كە پێكهاتبوو لە بەڕێز مەتین گوراك سوپاسالاری توركیا و بەڕێز عەلی ڕەزا گونەی باڵیۆزی توركیا لە عێراق و ژمارەیەك بەرپرسی سیاسی و سەربازیی توركیا.

لە دیدارەكەدا بیروڕا لەبارەی بارودۆخی سیاسیی ناوچەكە و دوایین پێشهاتەكانی ڕۆژهەڵاتی ناوەڕاست و هەڕەشەكانی تیرۆر و هەروەها پەیوەندییەكانی نێوان عێراق و هەرێمی كوردستان و وڵاتی توركیا ئاڵوگۆڕ كرا.

هەر لەو دیدارەدا جەخت لە هەماهەنگیی نێوان توركیا و عێراق و هەرێمی كوردستان كرایەوە، ئەویش لەپێناو دەستەبەركردنی سەقامگیری و بووژانەوە و كاری هاوبەشی نێوانیان.

پەیوەندییەكانی نێوان هەرێمی كوردستان و توركیا و پێشڤەچوونی ئەو پەیوەندییانە تەوەری تری ئەو كۆبوونەوەیە بوون.

هەواڵی پەیوەندیدار

زێڕ دابەزی

سەڵاح

نزیكه‌ی 50 وڵاتی جیهان بەیەکەوە هێرشی ئێران بۆ سەر ئیسرئیلیان شەرمەزار کرد

سەڵاح

نرخى نەوت لە بازاڕەکانى جیهاندا دابەزینی تۆمارکرد

سەڵاح