ئاژانسی هەواڵی زاگرۆس

سەرۆكی هەرێمی كوردستان و شای ئوردن دۆخی ناوچه‌كه‌ تاوتوێ ده‌كه‌ن

پێشنیوەڕۆی ئەمڕۆ شەممە 2024/2/17 نێچیرڤان بارزانی، سەرۆكی هەرێمی كوردستان لە كۆنفرانسی ئاساییشی میونشن لە ئەڵمانیا، لەگەڵ خاوەنشكۆ شا عەبدوڵڵا بن حوسەینی دووەم، شای ئوردن، كۆبووەوە و دەربارەی پەیوەندییەكانی ئوردن لەگەڵ عێراق و هەرێمی كوردستان و دوا پێشهاتەكانی ناوچەكە، گفتوگۆیان كرد.

هەردوولا باسیان لە مەترسیی ئەگەری پەرەسەندنی زیاتری ئاڵۆزییەكانی ڕۆژهەڵاتی ناوەڕاست و فراوانبوونی كاریگەری و لێكەوتەكانی كرد كە ئەمەش دەبێتە هەڕەشە لەسەر ئارامی و سەقامگیریی ناوچەكە، بۆیە بە پێویستیان زانی لە هەموو لایەكەوە هەوڵی ئارامكردنەوەی دۆخەكە بدرێت.
هەردوولا خواستی خۆیان بۆ برەودان بە پەیوەندییەكان و فراوانكردنی بوارەكانی هاریكاریی هاوبەش دەربڕی. لەمبارەیەوە نێچیرڤان بارزانی، ستایشی پەیوەندیی لەمێژینەی شانشینی ئوردن و خانەوادەی بەڕێزی شاهانەی هاشمی، لەگەڵ هەرێمی كوردستان كرد.
لە دوا تەوەری كۆبوونەوەكەدا، ڕەوشی عێراق و ناوخۆی هەرێمی كوردستان و مەترسییەكانی تیرۆریان لە ناوچەكە، باس كرد.

هەواڵی پەیوەندیدار

لیڤه‌رپول هه‌نگاوێك له‌ ئه‌لۆنسۆ نزیك ده‌بێته‌وه‌

یاسین

سیستەمی ڕەوانەكردنی نیشتمانی بۆ پشتیوانیی هاووڵاتییانی گەڕاوە لە شاری سلێمانی كەوتە كار

یاسین

ماڵپەڕی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات

hakar herki