ئاژانسی هەواڵی زاگرۆس

نێچیرڤان بارزانی لەگەڵ وەزیری دەرەوەی ڤاتیكان كۆبووەوە

پێشنیوەڕۆی ئەمڕۆ شەممە 2024/2/17 نێچیرڤان بارزانی، سەرۆكی هەرێمی كوردستان، لە كۆنفرانسی ئاساییشی میونشن لە ئەڵمانیا، لەگەڵ پۆل گاڵاگەر، وەزیری دەرەوەی ڤاتیكان، كۆبووەوە.

لە كۆبوونەوەكەدا دەر‌بارەی پەیوەندییەكانی ڤاتیكان لەگەڵ عێراق و هەرێمی كوردستان، دۆخی پێكهاتەكان لە عێراق و بەتایبەتی هەرێمی كوردستان، ڕەوشی سیاسی و ئەمنیی عێراق، پەیوەندییەكانی هەولێر ـ بەغدا، شەڕ لە غەززە و دۆخی ناوچەكە بەگشتی‌، گفتوگۆیان كرد.
وەزیری دەرەوەی ڤاتیكان خواستی وڵاتەكەی بۆ برەودانی زیاتری پەیوەندییەكانی لەگەڵ عێراق و هەرێمی كوردستان نیشاندا و ستایشی دۆخی پێكهاتەكان و پێكەوەژیانی لە هەرێمی كوردستان كرد و دووپاتی كردەوە كە قەداسەتی پاپا بە ڕێز و خۆشەویستییەوە لە هەرێمی كوردستان دەڕوانێت.
لای خۆیەوە نێچیرڤان بارزانی سوپاس و پێزانینی بۆ پشتگیریی بەردەوامی ڤاتیكان لە عێراق و هەرێمی كوردستان دەربڕی و سڵاو و ڕێزی پێشكەش بە قەداسەتی پاپا كرد، هەروەها جەختی كردەوە كە هەرێمی كوردستان وەك هەمیشە بۆ هەموو پێكهاتەكانی، وڵاتی پێكەوەژیان و یەكترقبووڵكردن و لێبوردەیی دەبێت.

 

هەواڵی پەیوەندیدار

‎كلارا عودیشۆ: بڕیاری دادگایی فیدرالی دژی مافەكانی كەمە نەتەوەیەكان بوو

گوران

کۆمپانیای Google هاوبەشی لەگەل دوو کۆمپانیای گەورە دەکات

یاسین

ماڵپەڕی ئاژانسی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات 7

hakar herki